ବୁଗୁଡ଼ା,୩ା୧୧(ଡି.ଏନ.ଏ.): ବୁଗୁଡ଼ା ଥାନା ଚିଲିଖମାରେ ଗୋଟିଏ ପରିବାରର ସ୍ବାମୀ ଓ ସ୍ତ୍ରୀଙ୍କୁ ଠେଲାପେଲା, ଟଣାଓଟରା ଓ ଧମକ ଦେବା ଅଭିଯୋଗରେ ବୁଗୁଡ଼ା ପୋଲିସ ଶନିବାର ଜଣଙ୍କୁ ଗିରଫ କରି କୋର୍ଟଚାଲାଣ କରିଛି । ଗିରଫ ଜଣକ ହେଲେ ଚିଲିଖମା ଗ୍ରାମର ରମେଶ ନାୟକ। ଏନେଇ ବୁଗୁଡ଼ା ଥାନାରେ ନଂ. ୨୪୧/୧୯ରେ ଏକ ମାମଲା ରୁଜୁ ହୋଇଥିଲା। ପ୍ରକାଶ ଯେ, ଗତ ରବିବାର ଅର୍ଥାତ୍ ଦୀପାବଳି ଦିନ ରମେଶ ନାୟକ ତାଙ୍କ ଗ୍ରାମର କେଶବ ନାୟକଙ୍କ ଘର ଆଗରେ ବାଣ ଫୁଟାଇଥିଲେ। ଘର ଆଗର ରମେଶ ବାଣ ବାରମ୍ବାର ଫୁଟାଇବା ଯୋଗୁ କେଶବ ତାଙ୍କୁ ବାରଣ କରିଥିଲେ। କିନ୍ତୁ ରମେଶ ଏହାକୁ ନ ମାନି କେଶବ ଓ ତାଙ୍କ ସ୍ତ୍ରୀଙ୍କୁ ଗାଳିଗୁଲଜ ସହ ଠେଲାପେଲା ଓ ଟଣାଓଟରା କରିଥିଲେ। ଏପରିକି ଘରୁ ବାହାରିବାକୁ ମଧ୍ୟ କେଶବ ପରିବାର ଡ଼ରିଯାଇଥିଲେ। ଶେଷରେ କେଶବଙ୍କ ସ୍ତ୍ରୀ ରେଣୁ ନାୟକ ଗୁରୁବାର ଏନେଇ ବୁଗୁଡ଼ା ଥାନାରେ ଅଭିଯୋଗ କରିଥିଲେ ।