କଟକ ଅଫିସ,୨୮।୫: ବସ୍ ମାଲିକ ସଂଘ ଏବଂ ସରକାରଙ୍କ ମଧ୍ୟରେ ଅନୁଷ୍ଠିତ ହୋଇଥିବା ବୈଠକରେ ଗୁରୁବାରଠାରୁ ବସ୍ ଚଳାଚଳ ପାଇଁ ନିଷ୍ପତ୍ତି ନିଆଯାଇଥିଲା। ସକାଳେ କିନ୍ତୁ ଏହାର ପ୍ରଭାବ କଟକ ବାଦାମବାଡ଼ିରେ ଦେଖିବାକୁ ମିଳିନି। ବସ୍ଷ୍ଟାଣ୍ଡ ସମ୍ପୂର୍ଣ୍ଣ ଶୂନଶାନ ରହିଛି। ଗୋଟିଏ ବି ବସ୍ ଚାଲି ନ ଥିବା ନଜର ଆସିଛି। ଫଳରେ ବସ୍ଷ୍ଟାଣ୍ଡକୁ ଆସିଥିବା ଯାତ୍ରୀମାନେ ନିରାଶ ହୋଇ ଫେରିଛନ୍ତି। ବସ୍ଷ୍ଟାଣ୍ଡରେ ଥିବା ସୂଚନା କେନ୍ଦ୍ର ବନ୍ଦ ଥିବାରୁ ଯାତ୍ରୀମାନେ କୌଣସି ସୂଚନା ପାଇପାରୁ ନାହାନ୍ତି।
ଏଥିସହ କଟକ ସ୍ଥିତ ପୁରୀ ଏବଂ ଅନୁଗୋଳ ବସ୍ଷ୍ଟାଣ୍ଡରୁ ମଧ୍ୟ ବସ୍ ଚଳାଚଳ ହୋଇ ନ ଥିବା ଜଣାପଡ଼ିଛି।