ନିର୍ମାତା ତଥା ନିର୍ଦ୍ଦେଶକ ମହେଶ ଭଟ୍ଟ ଆଜି ଅର୍ଥାତ ଶୁକ୍ରବାର ୭୧ ବର୍ଷରେ ପଦାର୍ପଣ କରିଛନ୍ତି। ୨୦ ସେପ୍ଟେମ୍ବର ୧୯୪୮ ମସିହାରେ ଜନ୍ମିତ ମହେଶ ଭଟ୍ଟଙ୍କ ଜନ୍ମଦିନ ଅବସରରେ ସାନ ଝିଅ ଆଲିଆ କହିଛନ୍ତି , ବାପାଙ୍କ ସହିତ ବହୁତ କମ୍ ସମୟ କାଟିଥାଏ। କାରଣ ସେ ନିଜ କାମରେ ବହୁ ବ୍ୟସ୍ତ ରହିଥା’ନ୍ତି। ଆଜି ମୁଁ ସେହି ବ୍ୟସ୍ତତାର ଅର୍ଥ ବୁଝୁଛି। ସବୁବେଳେ ବାପା ଉପସ୍ଥିତ ରହୁ ନ ଥିଲେ ମଧ୍ୟ ଜରୁରୀ କାମରେ ପାଖରେ ରହିଥାନ୍ତି। ପ୍ରଥମ ଥର ଆଲିଆ ମହେଶଙ୍କ ନିର୍ଦ୍ଦେଶିତ ଫିଲ୍ମ ‘ସଡ଼କ’ର ସ୍ବିକେଲ୍ରେ କାମ କରୁଛନ୍ତି। ଆଲିଆ କୁହନ୍ତି, ପ୍ରଥମେ ବହୁତ ନର୍ଭସ ଲାଗୁଥିଲା। ଏବେ କିନ୍ତୁ ଉତ୍ସାହିତ ହୋଇପଡୁଛନ୍ତି। ମୁଁ ଏବେ ମୋ’ ମାଆ-ବାପାଙ୍କ ପରି ହେବାକୁ ଚାହୁଁଛି। ବାପାଙ୍କ ସମସ୍ତ ଗୁଣ ବଡ଼ ଭଉଣୀ ପୂଜାଙ୍କଠାରେ ଅଛି। ବାପାଙ୍କର କିଛି ଗୁଣ ମୁଁ ଆପଣାଇବାକୁ ଚେଷ୍ଟା କରୁଛି। ବାପା ସବୁବେଳେ ମୋ’ ପାଇଁ ପଜେଟିଭ୍ ବୋଲି ଆଲିଆ କୁହନ୍ତି।