ବାରିପଦା ଅଫିସ,୩୦ା୫- ଦୀର୍ଘ ୨ ମାସ ପରେ ବାରିପଦାରୁ ଭୁବନେଶ୍ୱରକୁ ଗଡ଼ିଛି ବସ୍। ଶୁକ୍ରବାର ୩ଟି ବସ୍ରେ ୨୬ ଯାତ୍ରୀ ଭୁବନେଶ୍ୱର ଯାଇଛନ୍ତି। ପ୍ରଥମ ବସ୍ଟି ସକାଳ ୫ଟା ୩୦ରେ ବାରିପଦା ଛାଡ଼ିଥିବା ବେଳେ ସେଥିରେ ୧୧ ଜଣ, ୧୦ଟା୪୫ରେ ଯାଇଥିବା ଦ୍ୱିତୀୟ ବସ୍ରେ ୮ ଜଣ ଓ ଅପରାହ୍ନ ୧ଟାରେ ଯାଇଥିବା ତୃତୀୟ ବସ୍ରେ ୭ ଜଣ ଏହିପରି ମୋଟ ୨୬ ଜଣ ଭୁବନେଶ୍ୱରକୁ ଯାଇଛନ୍ତି। ବସ୍ଷ୍ଟାଣ୍ଡରେ ବସ୍କୁ ସାନିଜଟାଇଜ କରାଯାଇ ଚଳାଚଳ କରାଯାଇଥିଲା। ସେହିଭଳି ଯାତ୍ରୀମାନଙ୍କ ହାତକୁ ସାନିଟାଇଜ କରାଯାଇଥିବା ବେଳେ ମାସ୍କ ପିନ୍ଧିବା ପାଇଁ ବାଧ୍ୟତାମୂଳକ କରାଯାଇଥିଲା। ଜିଲାକୁ ଅନ୍ୟ କୌଣସି ଜିଲାରୁ ବସ୍ ଆସି ନ ଥିବା ବେଳେ ଭୁବନେଶ୍ୱର ବ୍ୟତୀତ ଅନ୍ୟ କେଉଁଠିକି ବସ୍ ଯାଇ ନ ଥିବା ମୟୂରଭଞ୍ଜ ବସ୍ ମାଲିକ ସଂଘର ସାଧାରଣ ସମ୍ପାଦକ ସୁନିଲ କୁମାର ଦାଶ ସୂଚନା ଦେଇଛନ୍ତି। ଆସନ୍ତା ୧ ତାରିଖଠାରୁ ବସ୍ ଚଳାଚଳ ସ୍ବାଭାବିକ ହେବ ବୋଲି ସେ ପ୍ରକାଶ କରିଛନ୍ତି। ଉଲ୍ଲେଖଯୋଗ୍ୟ ଯେ, ମାର୍ଚ୍ଚ ୨୨ ତାରିଖଠାରୁ ବସ୍ ଚଳାଚଳ ବନ୍ଦ ହୋଇ ଯାଇଥିଲା।