କାଶୀନଗର,୧୭।୬(ଟି କ୍ରିଷ୍ଣା ରାଓ): ଗଜପତି ଜିଲାରେ ଏକ ମାତ୍ର ବିଜ୍ଞାପିତ ଅଞ୍ଚଳ ପରିଷଦ କାଶୀନଗର ହୋଇଥିବା ବେଳେ ଏଥିରେ ୧୩ଟି ୱାର୍ଡ ରହିଛି। ୧୩ଟି ୱାର୍ଡରେ ବସବାସ କରୁଥିବା ପେନଶନ ହିତାଧିକାରୀମାନେ ବିଭିନ୍ନ ଅସୁବିଧାର ସମ୍ମୁଖୀନ ହୋଇଥିବା ଅଭିଯୋଗ ହେଇଛି। ଶନିବାର ମାସିକ ପେନଶନ ପାଇଁ ହିତାଧିକାରୀମାନେ ବିଜୁ କଲ୍ୟାଣ ମଣ୍ଡପଠାରେ ଖରାରେ ଛିଡ଼ା ହେଇ ନାହି ନ ଥିବା ଅସୁବିଧା ହୋଇଥିବା ଦେଖିବାକୁ ମିଳିଛି। ସେମାନଙ୍କ ପାଇଁ ସାଧାରଣତଃ ପିଇବା ପାଣିର ବ୍ୟବସ୍ଥା ମଧ୍ୟ ହୋଇ ନ ଥିବା ବେଳେ ଏ ନେଇ କାଶୀନଗର ଏନଏସି କାର୍ଯ୍ୟ ନିର୍ବାହୀ ଅଧିକାରୀଙ୍କୁ ପଚାରିବାରୁ ସେ କହିଛନ୍ତି, ପେନଶନ ଦେବା ପାଇଁ ମାତ୍ର ୨ ଜଣ କର୍ମଚାରୀ ହିଁ ରହିଥିବା ଯୋଗୁ ସମସ୍ତ ପେନଶନ ହିତାଧିକାରୀଙ୍କୁ ଯୋଗାଇବା ଅସୁବିଧା ହେଉଛି। ପ୍ରତ୍ୟେକ ୱାର୍ଡର ସ୍ବତନ୍ତ୍ର ଭାବେ ଜନସାଧାରଣଙ୍କୁ ସରକାରୀ ଯୋଜନା ଓ ମୌଳିକ ସୁବିଧାର ତଦାରଖ ପାଇଁ ୱାର୍ଡ ସଭ୍ୟ ରହିବା କଥା ହେଲେ ସୂଚନା ମୁତାବକ ବର୍ଷେ ପୂର୍ବରୁ ୱାର୍ଡ ସଭ୍ୟ ଚୟନ ପ୍ରକ୍ରିୟା ହେଇଥିବା ବେଳେ ବର୍ତ୍ତମାନ ପର୍ଯ୍ୟନ୍ତ ତାହା ନିଯୁକ୍ତି ହୋଇନଥିବା ଦେଖିବାକୁ ମିଳିଛି। ଖୁବଶୀଘ୍ର ୱାର୍ଡ ସଭ୍ୟଙ୍କ ନିଯୁକ୍ତି ପାଇଲେ ପେନଶନ ବଣ୍ଟନ ସହ ସମସ୍ତ ସରକାରୀ ମୌଳିକ ସୁବିଧା ହେଇପାରିବ ବୋଲି ସାଧାରଣ ଦାବି ହୋଇଛି।