ବୁଗୁଡ଼ା,୧୨ା୩(ଡି.ଏନ.ଏ.)- ବୁଗୁଡ଼ା ବନାଞ୍ଚଳ ଡ଼ାକରାବାଡ଼ି ଛକରେ ଗୁରୁବାର ଅପରାହ୍ନରେ ବାଇକ୍ ଉପରେ ବାର୍ହା ମାଂସ ରଖି ବିକ୍ରି କରୁଥିବାବେଳେ ୨ ଶିକାରୀଙ୍କୁ ଗିରଫ କରାଯାଇଛି। ସେମାନେ ହେଲେ ବୁଗୁଡ଼ା ବନାଞ୍ଚଳ ଡ଼ାକରାବାଡ଼ି ଗ୍ରାମର ନିରଞ୍ଜନ ବିଶ୍ୱାଳ ଓ ବିରଞ୍ଚତ୍ପୁର ଗ୍ରାମର ବିଜୟ ଗୌଡ଼। ଉଭୟଙ୍କୁ କୋର୍ଟଚାଲାଣ କରାଯାଇଥିବା ଜଣାପଡ଼ିଛି। ସେମାନଙ୍କ ଠାରୁ ବାଇକ (ନଂ.ଓଆର୧୪ଏସ୍-୩୩୧୫) ସହ ୧୦ କେଜି ବାର୍ହା ମାଂସ ବନ ବିଭାଗ ଜବତ କରିଛି। ଏନେଇ ବୁଗୁଡ଼ା ବନ ବିଭାଗ ନଂ.୨୮୦/୨୦୨୦ରେ ଏକ ମାମଲା ରୁଜୁ କରିଛି।
ପ୍ରକାଶ ଯେ, ନିରଞ୍ଜନ ଓ ବିଜୟ ଉଭୟେ ଜଙ୍ଗଲରୁ ବାର୍ହା ଶିକାର କରି ମାଂସ କାଟି ବୁଧବାର ଅପରାହ୍ନରେ ଡ଼ାକରାବାଡ଼ି ଛକ ଠାରେ ବାଇକ ଉପର ରଖି ବିକ୍ରି କରୁଥିଲେ। ବନାଞ୍ଚଳ ଅଧିକାରୀ ଫକୀର ଚରଣ ବେହେରାଙ୍କ ନିର୍ଦ୍ଦେଶରେ ବନପାଳ ଅଭିରାମ ଖିଲା, ବନରକ୍ଷୀ ରତନ ମଲିକ, ରିଙ୍କୁ ସେଠୀ ଓ ପାରା ଫରେଷ୍ଟର କର୍ମଚାରୀ ପହଞ୍ଚତ୍ ଶିକାରୀମାନଙ୍କୁ କାବୁ କରିଥିଲେ। ପଚରାଉଚରାବେଳେ ସୋଲଣ୍ଡି ଜଙ୍ଗଲରେ ବିଦ୍ୟୁତ୍ ତାର ବିଛାଇ ଶିକାର କରିଥିବା ସ୍ବୀକାର କରିଥିଲେ।
