ହାଇଦ୍ରାବାଦ୍ ,୨୬।୧: ଦେଶରେ ସିଏଏ ବିରୋଧ ତଥା ସମର୍ଥନରେ ବିଭିନ୍ନ ପ୍ରଦର୍ଶନ ଜାରି ରହିଛି। ତେବେ ହାଇଦ୍ରାବାଦ୍ ଚିଲକୁର ବାଲାଜୀ ମନ୍ଦିରର ମୁଖ୍ୟ ପୂଜାରୀ ସି.ଏସ୍. ରଙ୍ଗରାଜନ ବାଲାଜୀଙ୍କ ସମେତ ଅନ୍ୟ ଦେବାଦେବୀଙ୍କ ନାଗରିକତ୍ୱ ପ୍ରମାଣ ସରକାରଙ୍କଠାରୁ ଲୋଡିଛନ୍ତି। ସେ କହିଛନ୍ତି ଯେ, ଦେଶର ସମସ୍ତ ମନ୍ଦିରର ପୂଜାରୀ ଭଗବାନଙ୍କ ନାଗରିକତ୍ୱ ପ୍ରମାଣ ସରକାରଙ୍କୁ ମାଗିବା ସହିତ ସେଥିପାଇଁ କୋର୍ଟର ଦ୍ୱାରସ୍ଥ ମଧ୍ୟ ହେବା ଆବଶ୍ୟକ। ସେ ସିଏଏ ସେକସନ୍-୫ର ବିଭାଗ-୪ ଅନ୍ତର୍ଗତ ତିରୁମାଲାର ଭେଙ୍କଟଶ୍ୱରା ସ୍ବାମୀ, ସବରିମାଲାର ଅୟପ୍ପା ସ୍ବାମୀ ଏବଂ କେରଳର ପଦ୍ମନାଭ ସ୍ବାମୀଙ୍କ ନାଗରିକତ୍ୱ ଦାବି କରିଛନ୍ତି। ଏବେ ଏହାକୁ ନେଇ ଚର୍ଚ୍ଚା ଆରମ୍ଭ ହୋଇଛି।