ବାଲିକୁଦା,୧୩ା୧(ସ୍ବ.ପ୍ର.): ବାଲିକୁଦା ଥାନା ଅଞ୍ଚଳରେ ଗତ ୩ତାରିଖରେ ଦୁଇ ଅପରାଧୀ ଗୋଷ୍ଠୀ ସାଗର ମଲ୍ଲିକ ଓ ସମୀର ଦଳେଇଙ୍କ ମଧ୍ୟରେ ହୋଇଥିବା ଗ୍ୟାଙ୍ଗୱାର ଘଟଣାରେ ପୋଲିସ ଦୁର୍ଦ୍ଦାନ୍ତ ଅପରାଧୀ ସାଗରଙ୍କ ଦୁଇ ସହଯୋଗୀ ସିତୁ ଦାସ ଓ ବଳିଆ ସାମଲକୁ ଗିରଫ କରି ସୋମବାର କୋର୍ଟଚାଲାଣ କରିଛି। ସେମାନେ ବାଲିକୁଦା ଅଞ୍ଚଳରେ ଲୁଚିଥିବାବେଳେ ପୋଲିସ ଚଢ଼ାଉ କରି କାବୁ ରବିବାର ରାତିରେ କାବୁ କରିଥିଲା। ଘଟଣା ଦିନ ସକାଳେ ସାଗର ଗୋଷ୍ଠୀ ସ୍ଥାନୀୟ ଖଣିଆ ଗଁାର ଦୁଇ ଜଣ ଯୁବକଙ୍କୁ ମାରଧର କରିବା ସହିତ ଧମକ ଦେଇଥିଲେ। ଏସବୁ କାଣ୍ଡରେ ବଳିଆ ସାମିଲ ଥିବା ଅଭିଯୋଗ ହୋଇଥିଲେ। ବଳିଆ ଫୋନ କରି ସମସ୍ତଙ୍କୁ ଡକାଇଥିଲେ। ପରେ ଏହି ଘଟଣା ଗଟିଥିଲା। ସିତୁ ମଧ୍ୟ ଘଟଣାରେ ସାମିଲ ହୋଇଥିଲେ। ବାଲିକୁଦା ପୋଲିସ ଏକ ମାମଲା ନଂ-୨/୨୦ ରୁଜୁ କରି ତଦନ୍ତ ଚଳାଇଥିଲା। ସୂଚନାଯୋଗ୍ୟ, ଗ୍ୟାଙ୍ଗୱାର ଦ୍ୱାରା ସମୀରଙ୍କ ଗୋଷ୍ଠୀର ଜଣେ ଯୁବକ ଗୁଳିମାଡ଼ରେ ଆହତ ହୋଇଥିଲେ।