ବାଲିଗୁଡ଼ା,୧୬।୧୧(ଡି.ଏନ୍.ଏ.) : କନ୍ଧମାଳ ଜିଲା ବାଲିଗୁଡ଼ା ଏନ୍ଏସିର ଅଧ୍ୟକ୍ଷା ମମତା ବେହେରା ଓ ଉପାଧ୍ୟକ୍ଷ ଲୋକନାଥ ପାଢ଼ୀଙ୍କ ବିରୋଧରେ ବିଜେଡିର ୭ କାଉନସିଲର ଅନାସ୍ଥା ପ୍ରସ୍ତାବ ଆଣିଥିଲେ। ତେବେ ଶନିବାର ବାଲିଗୁଡା ଏନ୍ଏସି ପରିସରରେ ପୂବାହ୍ନ ୧୦ଟାରେ ଅଧ୍ୟକ୍ଷା ନିର୍ବାଚନ ପାଇଁ ଉପଜିଲାପାଳ ରାଜେନ୍ଦ୍ର ରଣଜିତ ଓ ଏନ୍ଏସିର କାର୍ଯ୍ୟନିର୍ବାହୀ ଅଧିକାରୀ ଜୟଦେବ ଷଡ଼ଙ୍ଗୀ ସମସ୍ତ ନିର୍ବାଚନ ପ୍ରକ୍ରିୟାକୁ ପ୍ରସ୍ତୁତ କରିଥିଲେ ଏବଂ ୧୨ କାଉନସିଲର ଏନ୍ଏସି କାର୍ଯ୍ୟାଳୟକୁ ଯାଇଥିଲେ। କିନ୍ତୁ ଅଧ୍ୟକ୍ଷା ମମତା ବେହେରା ଓଡ଼ିଶା ଉଚ୍ଚ ନ୍ୟାୟାଳୟର ଆଶ୍ରୟ ନେଇଥିଲେ। ଉଚ୍ଚତମ ନ୍ୟୟାଳୟ ରହିତାଦେଶ ନିର୍ଦ୍ଦେଶ ଦେଇଛନ୍ତି ା ଉଚ୍ଚ ନ୍ୟାୟାଳୟଙ୍କ ରହିତା ଦେଶକୁ ଅଧ୍ୟକ୍ଷା ମମତା ବେହେରା ଜିଲାପାଳଙ୍କୁ ଓ ଏନ୍ଏସି କାର୍ଯ୍ୟନିର୍ବାହୀ ଅଧିକାରୀଙ୍କ ନିକଟରେ ଦାଖଲ କରିଥିଲେ ା ଏହାକୁ ଆଧାର କରି ଉପଜିଲାପାଳ ଅଧ୍ୟକ୍ଷା ମମତାଙ୍କ ପଦବୀକୁ କାଏମ ରଖିଛନ୍ତି। ତେଣୁ ଅଧ୍ୟକ୍ଷାଙ୍କ ବିରୋଧରେ ଅନାସ୍ଥା ହୋଇପାରିଲା ନାହିଁ। ସେହିପରି ଅପରାହ୍ନରେ ଉପାଧ୍ୟକ୍ଷ ଲୋକନାଥ ପାଢୀଙ୍କ ବିରୋଧରେ ଥିଲା ଅନାସ୍ଥା କିନ୍ତୁ ଉପାଧ୍ୟକ୍ଷଙ୍କ ଛଡ଼ା କୌଣସି କାଉନ୍ସିଲର ଅନାସ୍ଥା ଭୋଟ ପାଇଁ ଯାଇ ନ ଥିଲେ। କିଛି ସମୟ କାଉନ୍ସିଲରମାନଙ୍କୁ ଅପେକ୍ଷା କରିଥିଲେ ନିର୍ବାଚନ ଦାୟିତ୍ୱରେ ଥିବା ଉପଜିଲାପାଳ ଓ ଅନ୍ୟ ଅଧିକାରୀମାନେ ା ପରେ ଉପାଧ୍ୟକ୍ଷ ଲୋକନାଥ ପାଢ଼ୀଙ୍କ ପଦ କାଏମ ରହିଲା ବୋଲି ଘୋଷଣା କରିଥିଲେ ଉପଜିଲାପାଳ। ଦୀର୍ଘଦିନ ଧରି ବିଜେଡିର ୭ କାଉନସିଲର ଉଭୟ ଅଧ୍ୟକ୍ଷା ଏବଂ ଉପାଧ୍ୟକ୍ଷଙ୍କ ବିରୋଧରେ ଆଣିଥିବା ଅନାସ୍ଥା କାର୍ଯ୍ୟକାରୀ ହୋଇପାରିଲା ନାହିଁ। ତେଣୁ ଆଗାମୀ ଦିନରେ ଏନ୍ଏସିର କାର୍ଯ୍ୟପନ୍ଥା କ’ଣ ହେବ ତାହା ଦେଖିବାକୁ ବାକିରହିଲା।