ପୁରୀ ଅଫିସ, ୨୫ା୧୨: ପ୍ଲାଷ୍ଟିକ ପ୍ରଦୂଷଣକୁ ନେଇ ସାରା ବିଶ୍ୱବାସୀ ଚିନ୍ତିତ। ପ୍ଲାଷ୍ଟିକ କେବଳ ପରିବେଶକୁ ପ୍ରଦୂଷଣ କରୁଛି ତା’ ନୁହେଁ ମଣିଷ, ପଶୁପକ୍ଷୀ ସମସ୍ତଙ୍କ ପାଇଁ ଏହା ମାରାତ୍ମକ ସାଜିଲାଣିି। ପୁଣି ବିଭିନ୍ନ ପ୍ରକାର ରୋଗର କାରଣ ବିି। ତେଣୁ ପ୍ଲାଷ୍ଟିକକୁ ସମ୍ପୂର୍ଣ୍ଣ ଭାବେ ବର୍ଜନ କରିବା ଲାଗି ବାଲୁକା କଳା ମାଧ୍ୟମରେ ବାର୍ତ୍ତା ଦେଇଛନ୍ତି ଅନ୍ତର୍ଜାତୀୟ ବାଲୁକା ଶିଳ୍ପୀ ମାନସ କୁମାର ସାହୁ। କ୍ରିସ୍ମାସ ଉପଲକ୍ଷେ ଲାଇଟ୍ ହାଉସ ନିକଟସ୍ଥ ସ୍ବର୍ଣ୍ଣାଭ ବେଳାଭୂମିରେ ମାନସ ସାହୁ ସ୍ୟାଣ୍ଡ ଆର୍ଟ ପାର୍କରେ ମାନସ ୩ଟି ବାଲୁକା କଳା କରିଛନ୍ତିି। ଏଥିରେ ସେ କ୍ରିସ୍ମାସକୁ ଏକ ନିଆରା ଢଙ୍ଗରେ ପାଳିବାକୁ ଚେଷ୍ଟା କରିଛନ୍ତିି। ବଡ଼ଦିନରେ ପୁରୀ ବେଳାଭୂମିକୁ ବହୁ ସଂଖ୍ୟାରେ ଯାତ୍ରୀ, ପର୍ଯ୍ୟଟକ ଆସିବେ। ତେଣୁ ସେମାନଙ୍କ ମଧ୍ୟରେ ସଚେତନତା ସୃଷ୍ଟି କରିବା ଲକ୍ଷ୍ୟରେ ମାନସ ତାଙ୍କର ୩ଟି ଯାକ ବାଲୁକା କଳାରେ ପ୍ଲାଷ୍ଟିକ ବର୍ଜନର ବାର୍ତ୍ତା ଦେଇଛନ୍ତିି। ସବୁ ବର୍ଗର ଲୋକେ ଯେପରି ଏହି ବାଲୁକା କଳାକୁ ବୁଝି ପାରିବେ ସେ ଉଦ୍ୟମ କରିଛନ୍ତିି। ଗୋଟିଏ ବାଲୁକା କଳାରେ ‘ଉଇ ଆର୍ ରେଡି ଟୁ ଫାଇଟ୍ ଏଗ୍ନେଷ୍ଟ ପ୍ଲାଷ୍ଟିକ’ ଲେଖାଯାଇଛିି। ସେହିପରି ଅନ୍ୟ ଏକ ବାଲୁକା କଳାରେ ଏକାଧିକ ଛୋଟ ସାଣ୍ଟା କ୍ଲଜ କରାଯାଇଥିବା ବେଳେ ଏକ ବଡ଼ ସାଣ୍ଟା ମଧ୍ୟ ରହିଛିି। ଏଥିରେ ସମ୍ପୃକ୍ତ ସାଣ୍ଟା ‘ଦିସ୍ ଇଜ୍ ମାଇଁ କଟନ ବ୍ୟାଗ୍, ହୋୟାର ଇଜ୍ ୟୋର କର୍ଟନ ବ୍ୟାଗ୍’ ବୋଲି ପ୍ରଶ୍ନ ପଚାରୁଥିବାକୁ ବେଶ୍ ନିଖୁଣ ଭାବେ ପ୍ରସ୍ତୁତ କରିଛନ୍ତି ମାନସ। ସେହିପରି ଅନ୍ୟ ଏକ ବାଲୁକା କଳାରେ ପ୍ଲାଷ୍ଟିକ ପ୍ରଦୂଷଣ ଦ୍ୱାରା କିପରି ପୃଥିବୀର ରୂପ ବେରୂପରେ ପରିବର୍ତ୍ତନ ହୋଇଯାଉଛି ତାହା ଦର୍ଶାଇଛନ୍ତିି। ଏହି ବାଲୁକା କଳାକୁ ପୁରୀ ବିଧାୟକ ଜୟନ୍ତ କୁମାର ଷଡ଼ଙ୍ଗୀ ଉଦ୍ଘାଟନ କରିଛନ୍ତିି। ଏହାକୁ ତିଆରି କରିବା ଲାଗି ମାନସଙ୍କୁ ପ୍ରାୟ ୧୫ ଦିନ ସମୟ ଲାଗିଛିି। ଏଥିରେ ତାଙ୍କୁ ତାଙ୍କ ଅନୁଷ୍ଠାନର ଛାତ୍ରୀଛାତ୍ର ଚିତ୍ତରଞ୍ଜନ ମହାନ୍ତି, ଇତିଶ୍ରୀ ସାହୁ, ସତ୍ୟନାରାୟଣ ପାତ୍ର ପ୍ରମୁଖ ସହଯୋଗ କରିଛନ୍ତିି। ପ୍ରତ୍ୟେକ ବାଲୁକା କଳାର ଉଚ୍ଚତା ପ୍ରାୟ ୮ରୁ ୧୦ ଫୁଟ ରହିଛିି। ଏଥିରେ ୪୦ ଟନ୍ରୁ ଅଧିକ ବାଲି ବ୍ୟବହାର କରାଯାଇଥିବା ମାନସ କହିଛନ୍ତିି।