ଓଡ଼ଗାଁ,୧୭।୧୧(ସ୍ବ.ପ୍ର.)-ବାଲ୍ୟ ବିବାହ ଭୟରେ ଘରୁ ନିଖୋଜ ହୋଇଯାଇଥିଲେ ଜଣେ ନାବାଳିକା। ଦୀର୍ଘମାସ ପରେ ଶନିବାର ତାଙ୍କୁ ସମ୍ପର୍କୀୟଙ୍କ ଘରୁ ଉଦ୍ଧାର କରାଯାଇଛି। ଘଟଣା ଘଟିଛି ନୟାଗଡ ଜିଲା ଓଡଗଁାର ଆଦର୍ଶ ଥାନା ଅଞ୍ଚଳରେ। ସାକେରୀ ଗ୍ରାମରେ ମାଟ୍ରିକ ପରୀକ୍ଷା ପାଇଁ ପ୍ରସ୍ତୁତ ହେଉଥିବା ଜଣେ ନାବାଳିକାଙ୍କୁ ତାଙ୍କ ମାତାପିତା ବିବାହ ଦେବା ପାଇଁ ଉଦ୍ୟମ କରିଥିଲେ ା ନାବାଳିକା ଜଣକ ମାତା ପିତାଙ୍କ ଯୋଜନା ସମ୍ପର୍କରେ ଜାଣିବା ପରେ ଫେବୃୟାରୀ ୧୬ ତାରିଖରେ ଘରୁ ନିଖୋଜ ହୋଇଯାଇଥିଲେ ା ସେ ଭୁବନେଶ୍ୱର ଅନ୍ତର୍ଗତ ପାହାଳ ଥାନା ଅଞ୍ଚଳରେ ରହୁଥିବା ତାଙ୍କର ବଡ ଭଉଣୀଙ୍କ ଶାଶୁଙ୍କ ପାଖକୁ ଚାଲିଯାଇଥିଲେ। ଝିଅକୁ ବହୁ ଖୋଜାଖୋଜି କରି ନ ପାଇବା ପରେ ନାବାଳିକାଙ୍କ ବାପା ୧୯ ତାରିଖରେ ଝିଅ ନିଖୋଜ ସମ୍ପର୍କରେ ସ୍ଥାନୀୟ ଥାନାରେ ଅଭିଯୋଗ କରିଥିଲେ ା ପୋଲିସ ଏନେଇ ନଂ୨୭/୧୯ରେ ଏକ ମାମଲା ରୁଜୁ କରିବା ସହିତ ନାବାଳିକାଙ୍କୁ ଉଦ୍ଧାର କରିବାପାଇଁ ଉଦ୍ୟମ ଜାରି ରଖିଥିଲା । ପରବର୍ତ୍ତୀ ସମୟରେ ଝିଅ ସମ୍ପର୍କୀୟ ଘରେ ରହୁଥିବା ବାପା ଜାଣିବାକୁ ପାଇଥିଲେ ମଧ୍ୟ ପୋଲିସକୁ ୯ ମାସ ପଯର୍ୟନ୍ତ ଭୁଆଁ ବୁଲାଇ ଚାଲିଥିଲେ ମଧ୍ୟ କୌଣସି ସୂଚନା ଦେଇ ନ ଥିଲେ ା ତେବେ କୌଣସି ସୂତ୍ରରୁ ଖବରପାଇ ପୋଲିସ ଶନିବାର ଭୋର ସମୟରେ ନାବାଳିକାଙ୍କୁ ତାଙ୍କ ସମ୍ପର୍କୀୟଙ୍କ ଘରୁ ଉଦ୍ଧାର କରିଥିଲା। ସ୍ଥାନୀୟ ଜେଏମଏଫସି କୋର୍ଟରେ ଧାରା ୧୬୪ ଅନୁସାରେ ବୟାନ ରେକର୍ଡ କରାଇଥିଲା ା ଘରେ ଜୋରଜବରଦସ୍ତ ତାଙ୍କୁ ବିବାହ ଦେବାକୁ ଉଦ୍ୟମ କରାଯାଉଥିବାରୁ ସେ ମାଟ୍ରିକ ପରୀକ୍ଷା ନ ଦେଇ ଘରୁ ଚାଲିଯାଇଥିଲେ ବୋଲି ନାବାଳିକା କହିଥିବା ଜଣାଯାଇଛି ା ଆଦର୍ଶ ଥାନା ଅଧିକାରୀ ମମତା ପତି ନାବାଳିକାଙ୍କ ମାତାପିତାଙ୍କୁ ବାଲ୍ୟବିବାହର କୁପରିଣାମ ସମ୍ପର୍କରେ ବହୁ ବୁଝାଶୁଝା କରିବା ପରେ ନାବାଳିକାଙ୍କୁ ହସ୍ତାନ୍ତର କରିଥିବା ପ୍ରକାଶ କରିଛନ୍ତି ା