ବାଳାଶ୍ରମରୁ ଅନ୍ତେବାସୀ ନିଖୋଜ: ଉଦ୍ଧାର ପାଇଁ ଟିମ୍‌ ଗଠନ
12:22 pmJanuary 7, 2020 / 09

ବ୍ରହ୍ମପୁର ଅଫିସ,୭।୧: ଗଞ୍ଜାମ ଜିଲା ବ୍ରହ୍ମପୁର ଗୋଶାଣିନୂଆଗାଁଠାରେ ଥିବା ଉତ୍କଳ ବାଳାଶ୍ରମରୁ ସୋମବାର ବିଳମ୍ବିତ ରାତିରେ ୧୩ ଜଣ ଅନ୍ତେବାସୀ ନିଖୋଜ ହୋଇଯାଇଛନ୍ତି । ଏନେଇ ମଙ୍ଗଳବାର ବାଳାଶ୍ରମ ସୁପରିଣ୍ଟେଣ୍ଡେଣ୍ଟ ଗୋଶାଣିନୂଆଗାଁ ଥାନାରେ ଅଭିଯୋଗ କରିବା ପରୋ ନିଖୋଜ ଝିଅ ମାନଙ୍କୁ ଉଦ୍ଧାର ପାଇଁ ଏକ ଟିମ୍‌ ଗଠନ ହୋଇଛି । ଉକ୍ତ ଟିମ୍‌ ଭୁବନେଶ୍ୱରରେ ପହଞ୍ଚି ନିଖୋଜ ଝିଅମାନଙ୍କର ଅନୁସନ୍ଧାନ ଚଳାଇଛି । ଏପରି କି ଘଟଣା ସମ୍ପର୍କରେ ଭୁବନେଶ୍ୱର କମିଶନରେଟ ପୋଲିସକୁ ମଧ୍ୟ ସୂଚନା ଦିଆଯାଇଛି ବୋଲି ଗୋଶାଣିନୂଆଗାଁ ଥାନାଧିକାରୀ ସୁମିତ କୁମାର ସୋରେନ କହିଛନ୍ତି । ଏକ ସୂତ୍ରରୁ ମିଳିଥିବା ଅନୁସାରେ ଅନ୍ତେବାସୀମାନେ ନିର୍ଯାତନାର ଶିକାର ହୋଇ ସୋମବାର ରାତି ଉକ୍ତ ବାଳାଶ୍ରମର ପଛପଟ ପାଚେରି ଦେଇ ପଳାଇଥିଲେ। ପରେ ସେମାନେ ବ୍ରହ୍ମପୁର ରେଳଷ୍ଟେଶନକୁ ଯାଇ ସେଠାରୁ ଭୁବନେଶ୍ୱର ଚାଲିଯାଇଥିବା ପୋଲିସ ସୂଚନା ପାଇଛି । ଜଣେ ଝିଅ ଭୁବନେଶ୍ୱରସ୍ଥିତ ତାଙ୍କ ଘରେ ଥିବା ପୋଲିସ ଜାଣିବାକୁ ପାଇଛି ।