ଅନେକ ଏମିତି ଅଛନ୍ତି, ଯେଉଁମାନେ ନିଜର ଅଫିସ୍ ଡେସ୍କକୁ ସଜାଇ ରଖିବାକୁ ଖୁବ୍ ପସନ୍ଦ କରନ୍ତି। ସେଥିପାଇଁ ସେମାନେ ଡେସ୍କ ଉପରେ ଛୋଟ ଛୋଟ ଇନ୍ଡୋର୍ ପ୍ଲାଣ୍ଟ, ମୂର୍ତ୍ତି ତଥା ଫଟୋ ଆଦି ରଖିଥାନ୍ତି। ଏହା ଦେଖିବାକୁ ସିନା ଭଲ ଲାଗେ, ହେଲେ ଯଦି ତାହା ବାସ୍ତୁ ଅନୁସାରେ ସଜା ହୋଇ ନ ଥାଏ, ତା’ହେଲେ ତାହାର ନକାରାତ୍ମକ ପ୍ରଭାବ ବି କ୍ୟାରିୟର୍ ଉପରେ ପଡ଼ିଥାଏ। ତେଣୁ ବାସ୍ତୁ ଅନୁଯାୟୀ ଅଫିସ୍ ଡେସ୍କକୁ କେମିତି ସଜାଇବେ ଆସନ୍ତୁ ଜାଣିବା…
ପୂର୍ବ କିମ୍ବା ଉତ୍ତର କୋଣରେ ମନିପ୍ଲାଣ୍ଟ କିମ୍ବା ବାମ୍ବୋ ପ୍ଲାଣ୍ଟ ରଖିଲେ ସୁନ୍ଦର ଦେଖାଯିବା ସହ ସମୃଦ୍ଧି ବଢ଼ିଥାଏ। ତା’ଛଡ଼ା ଡେସ୍କ ଉପରେ କେବେ ବି ଶୁଖି ଯାଇଥିବା କିମ୍ବା କଣ୍ଟା ଥିବା ପ୍ଲାଣ୍ଟ ରଖିବା ଠିକ୍ ନୁହେଁ। ଏହା ନିରାଶର ସୂଚନା ଦେଇଥାଏ।
ଉତ୍ତର ପଟେ ସବୁଜ ବନାନୀ କିମ୍ବା ପବନରେ ଦୋହଲୁଥିବା ଫସଲର ଫଟୋ ରଖିଲେ ଅନେକ ଲାଭ ମିଳିଥାଏ। ସେହିପରି ଗଛଲତା, ଦୌଡୁଥିବା ଘୋଡ଼ା, ସ୍ବସ୍ତିକ ଚିହ୍ନ କିମ୍ବା ସୂର୍ଯ୍ୟୋଦୟର ଚିତ୍ର ଥିବା ଯେ କୌଣସି ଫଟୋ ଡେସ୍କର ଏହି କୋଣରେ ଲଗାଇପାରିବେ। କିନ୍ତୁ ଛୋଟ ପିଲାର କାନ୍ଦିବା ଫଟୋ, କଟା ହୋଇଥିବା ଗଛ କିମ୍ବା ଭାଙ୍ଗିଯାଇଥିବା କୌଣସି ମୂର୍ତ୍ତିର ଫଟୋ ଡେସ୍କରେ ରଖିବା ଉଚିତ ନୁହେଁ। ଏହା ଅଫିସ୍ରେ ନକାରାତ୍ମକ ପ୍ରଭାବ ପକାଇଥାଏ।
ଚାହିଁଲେ ସତେଜ ଫୁଲତୋଡ଼ାକୁ ଡେସ୍କ ଉପରେ ରଖି ବି ଆନନ୍ଦ ଅନୁଭବ କରିପାରିବେ।
ଠାକୁରଙ୍କର ଫଟୋ ରଖିବା ପାଇଁ ଚାହୁଁଥାନ୍ତି, ତା’ହେଲେ ତାକୁ ଡେସ୍କର ଉତ୍ତର ଓ ପୂର୍ବ ଦିଗରେ ରଖିପାରିବେ। କିନ୍ତୁ ଧ୍ୟାନ ଦେବେ ଠାକୁରଙ୍କର ଫଟୋ ଉପରେ ଯେମିତି ଧୂଳି ନ ଜମିବ।
ଉପରେ ଜିନିଷପତ୍ରକୁ ସବୁବେଳେ ସଜାଡିକି ରଖିବା ଦରକାର। ଖାସ୍କରି ଫାଇଲ୍ ଓ କାଗଜପତ୍ରଗୁଡ଼ିକୁ ଡେସ୍କ ଉପରେ ଗଦା କରିକି ରଖିବା ଉଚିତ ନୁହେଁ। ଏହାଦ୍ୱାରା ସୃଜନଶୀଳତା ଉପରେ କୁ-ପ୍ରଭାବ ପଡ଼ିଥାଏ।
ଡେସ୍କ ଉପରେ ଆମେ କାମ କରୁଛେ, ତାହା ବହୁତ ପବିତ୍ର ହୋଇଥାଏ। କାରଣ ଏହିଠାରେ କାମ କରି ହିଁ ଆମେ ଆମର ଜୀବିକା ପାଇଁ ଅର୍ଥ ଉପାର୍ଜନ କରୁଛେ। ସେଥିପାଇଁ ଏହି ଡେସ୍କ ଉପରେ କେବେ ବି ଚା/କଫି ପିଇବା, ଭୋଜନ କରିବା କିମ୍ବା ଆମିଷ ଖାଇବା କଥା ନୁହେଁ। କାରଣ ଏହା କାର୍ଯ୍ୟସ୍ଥଳରେ କ୍ଲେଶ, ମାନସିକ ଅଶାନ୍ତି ତଥା କ୍ୟାରିୟର୍ରେ ବାଧା ସୃଷ୍ଟି କରିଥାଏ।
ପ୍ରତି ଉତ୍ସାହଭାବ ଆଣିବା ପାଇଁ ଚାହୁଁଥିଲେ, ଡେସ୍କର ଉତ୍ତର-ପୂର୍ବ ଦିଗରେ ଗୋଟିଏ କ୍ରିଷ୍ଟାଲ୍ ଗ୍ଲୋବ ରଖିପାରିବେ। ଆଉ ଏହାକୁ କାମ କରିବା ଭିତରେ ଦୁଇ-ତିନିଥର ବୁଲାଇଲେ କାମ କରିବା ପାଇଁ ସକାରାତ୍ମକ ଉର୍ଜା ଆସିଥାଏ। ସେହିପରି ଡେସ୍କ ଉପରେ ଫିଟିକିରିର ଗୋଟେ ଛୋଟ ଖଣ୍ଡ କିମ୍ବା ପେନ୍ଷ୍ଟାଣ୍ଡ ଭିତରେ କର୍ପୂର ରଖିଲେ ବି ଏହାର ଅନେକ ଫାଇଦା ମିଳିଥାଏ।