ବାହାଡା ଦାନ୍ତ ପାଇଁ ତିନି ତଲାକ୍‌

ହାଇଦ୍ରାବାଦ, ୨ା୧୧(ପି.ଟି.): ହାଇଦ୍ରାବାଦର କୁଶାଇଗୁଡ଼ାରେ ଜଣେ ଅଟୋ ଡ୍ରାଇଭର ନିଜ ସ୍ତ୍ରୀଙ୍କ ବାହାଡା ଦାନ୍ତ ପାଇଁ ତାଙ୍କୁ ତିନି ତଲାକ୍‌ ଦେଇଥିବା ଅଭିଯୋଗ ହୋଇଛିି। ଏନେଇ ଥାନାରେ ମାମଲା ରୁଜୁହେବା ପରେ ଯୁବକଙ୍କ ବିରୋଧରେ ଆଇପିସିର ବିଭିନ୍ନ ଦଫା ଲଗାଯାଇଛି। ବାହାଘରକୁ ମାତ୍ର ୪ ମାସ ପୂରିଥିଲା। ବିବାହ ପରେ ସ୍ବାମୀ ମହମ୍ମଦ ମୁସ୍ତାଫା(୩୬) ମୋତେ ନିର୍ଯାତନା ଦେବା ସହ ଭଲ ପାଉ ନ ଥିବା କହିଥିଲେ ବୋଲି କହିଛନ୍ତି ରୁକ୍ସାନା ବେଗମ୍‌(୨୫)। ବାପ ଘରୁ କିଛି ଆଣି ନ ଥିବା ଓ ଦାନ୍ତ ଖରାପ ଥିବା ଯୋଗୁ ଏଭଳି ତିନି ତଲାକ୍‌ ଦିଆଯାଇଥିବା ରୁକ୍ସାନା ଅଭିଯୋଗ କରିବା ପରେ ପାଲିସ ଖୋଳ୍‌ତାଡ୍‌ ଆରମ୍ଭ କରିଛି।