ନୂଆଦିଲ୍ଲୀ,୩୧।୭: ଭାରତୀୟ ବାୟୁସେନା ଓ୍ବିଙ୍ଗ୍ କମାଣ୍ଡର ଅଭିନନ୍ଦନ ବର୍ଥମାନଙ୍କ ପରାକ୍ରମ ଉପରେ ଏକ ଭିଡ଼ିଓ ଗେମ୍ ପ୍ରସ୍ତୁତ କରାଯାଇଛି। ଏହାର ରିଲିଜ୍ ବୁଧବାର କରାଯାଇଛି । ଏହାକୁ ବାୟୁସେନା ମୁଖ୍ୟ ବୀରେନ୍ଦ୍ର ସିଂ ଧାନୋଓ୍ବା ଲୋକାର୍ପିତ କରିଛନ୍ତି। ଭାରତୀୟ ବାୟୁସେନା ପକ୍ଷରୁ ପ୍ରସ୍ତୁତ କରାଯାଇଥିବା ଏହି ଭିଡ଼ିଓ ଗେମ୍ ଦ୍ୱାରା ସାଧାରଣ ଲୋକେ ଯବାନଙ୍କ ବୀରତା ସମ୍ପର୍କରେ ଜାଣି ପାରିବେ ବୋଲି କୁହାଯାଉଛି। ଏହି ମୋବାଇଲ୍ ଗେମ୍ରେ ମିଗ୍-୨୧, ମିଗ୍-୨୯, ମିରାଜ୍-୨୦୦୦, ସୁଖୋଇ-୩୦, ଏମ୍କେଆଇ ସହିତ ରାଫାଲ ଯୁଦ୍ଧ ବିମାନକୁ ସାମିଲ୍ କରାଯାଇଛି। ଏହା ଲୋକଙ୍କୁ ଆନନ୍ଦ ଦେବ ବୋଲି ଓ୍ବିଙ୍ଗ୍ କମାଣ୍ଡର ଅନୁପମ ବାନାର୍ଜୀ ସୂଚନା ଦେଇଛନ୍ତି।