ଝାରସୁଗୁଡା ଅଫିସ,୨୮।୫- ଓଡିଶା ବିଉଟି ଆସୋସିଏଶନ ଝାରସୁଗୁଡା ଜିଲା ଶାଖା ପକ୍ଷରୁ ଗୁରୁବାର ସହରର ସମସ୍ତ ବିଉଟି ପାର୍ଲର ଖୋଲିବାକୁ ଦାବି କରାଯାଇଛି। ସଂଘର ସଭାନେତ୍ରୀ ବିମଲା ରୋଚବାନି ଓ ସମ୍ପାଦିକା ମମତା ପଟୁଆଙ୍କ ନେତୃତ୍ୱରେ ଅନ୍ୟ କର୍ମକର୍ତ୍ତାମାନେ ଜିଲାପାଳଙ୍କ କାର୍ଯ୍ୟାଳୟରେ ଉପସ୍ଥିତ ରହି ଜିଲାପାଳଙ୍କୁ ଲିଖିତ ଭାବେ ଦାବି ଜଣାଇଛନ୍ତି। ଏହି ଲକ୍ଡାଉନ୍ ଯୋଗୁ ସେମାନେ ବହୁତ କ୍ଷତି ସହିଥିବା ବେଳେ ଦୋକାନ ଘର ମାଲିକଙ୍କୁ ଘର ଭଡା ଦେବାକୁ ପଡୁଛି। ଏଭଳି ପରିସ୍ଥିତିରେ ପ୍ରଶାସନ ପକ୍ଷରୁ ବହୁ ସତର୍କତା ଓ କଟକଣାରେ ସେଲୁନ ଖୋଲିବାକୁ ନିର୍ଦ୍ଦେଶ ଦିଆ ସରିଛି। ଏଣୁ ସରକାରଙ୍କ ସମସ୍ତ କଟକଣା ସେମାନେ ମାନିବାକୁ ପ୍ରସ୍ତୁତ। ତାଙ୍କ ଦାବିକୁ ଗୁରୁତ୍ୱର ସହିତ ନେଇ ବିଉଟି ପାର୍ଲର ଖୋଲିବାକୁ ଅନୁମତି ଦିଆଯାଉ ବୋଲି ସଂଘ ଦାବି କରିଛି।