ବିକାଶର ବାଟ ଓଗାଳୁଛି ଟିପଚିହ୍ନ

ବୈପାରୀଗୁଡ଼ା,୨୨ା୪(ଡି.ଏନ୍‌.ଏ.):ବୈପାରୀଗୁଡ଼ା ବ୍ଲକ ବାଲିଗଁ। ପଞ୍ଚାୟତ ଲିମାଲାଡ଼ି ଗ୍ରାମର ବିଧବା ବୃଦ୍ଧା ସନମତି କାକଲପଡ଼ିଆ । ପିଲାଛୁଆ କେହି ନାହାନ୍ତି। ଏଭଳି ଅସହାୟ ଅବସ୍ଥାରେ ମୁଣ୍ଡ ଗୁଞ୍ଜିବା ତାଙ୍କ ପାଖରେ ଘର ଖଣ୍ଡିଏ ନ ଥିଲା। ତାଙ୍କ ନାମରେ ଆବାସ ଯୋଜନାରେ କାର୍ଯ୍ୟାଦେଶ ମିଳିଥିଲା। ଗଁ।ର କେତେକ ଦଲାଲ ଶ୍ରେଣୀର ଲୋକେ ଘର ନିର୍ମାଣ ଦାୟିତ୍ବ ନେଇଥିଲେ। କିନ୍ତୁ ଘରର କେବଳ ପୁନାଦି ପକାଇ ସନମତିଙ୍କ ଟିପଚିହ୍ନ ନେଇ ବ୍ୟାଙ୍କ ଜମାଖାତାରୁ ସଂପୂର୍ଣ୍ଣ ଅନୁଦାନ ଲୁଟିନେଲେ । କେତେକ ସରକାରୀ କର୍ମଚାରୀ ସ୍ବାର୍ଥ ପାଇଁ ସେମାନଙ୍କୁ ସହାୟତା କରିଥିଲେ । ୫ ବର୍ଷ ତଳର ଏହି ଘଟଣାରେ ସନମତିଙ୍କୁ ନ୍ୟାୟ ମିଳି ନ ଥିବାବେଳେ ସେ ଏବେ ନିଜ ଭାଗ୍ୟକୁ ଆଦରି ବାପଘର ଦୋରାଗୁଡ଼ା ପଞ୍ଚାୟତ କଲୋନୀଗୁଡ଼ା ଗ୍ରାମରେ ପଡ଼ିରହିଛନ୍ତି। ବୈପାରୀଗୁଡ଼ା ବ୍ଲକରେ ଏମିତି ଅନେକ ଘଟଣା ବିଭିନ୍ନ ସମୟରେ ସାମ୍ନାକୁ ଆସିଛି। ପ୍ରକାଶ ଯେ, କେବିକେ ଜିଲାରେ ବିକାଶ ପାଇଁ ସରକାରଙ୍କ ବିଭିନ୍ନ ଯୋଜନା ଚାଲିଛି। କିନ୍ତୁ ନିରକ୍ଷରତା କାରଣରୁ ଯୋଜନାର ସୁଫଳ ହିତାଧିକାରୀ ପାଇପାରୁ ନାହାନ୍ତି। ମହାତ୍ମା ଗାନ୍ଧି ନିଶ୍ଚିତ କର୍ମନିଯୁକ୍ତି ଯୋଜନାରେ ମଷ୍ଟର ରୋଲ ପ୍ରସ୍ତୁତି ବେଳେ ଶ୍ରମିକଙ୍କ ଟିପ ଚିହ୍ନ ତଥା ବ୍ୟାଙ୍କ ଉଠାଣ ଫର୍ମରେ ଜାଲ ଟିପ ଚିହ୍ନ ଦ୍ୱାରା ସେମାନଙ୍କ ଜମାଖାତାରୁ ଟଙ୍କା ହଡ଼ପ କରାଯିବା ନଜିର ରହିଛି। ସରକାରୀ ଅନୁଦାନର ସଠିକ କାର୍ଯ୍ୟକାରିତା ପାଇଁ ଅଙ୍ଗନୱାଡି କର୍ମୀ-ୱାର୍ଡମେମ୍ବର, ବିଦ୍ୟାଳୟ ପ୍ରଧାନ ଶିକ୍ଷକ-ପରିଚାଳନା କମିଟି ସଭାପତି, ବନାଞ୍ଚଳ ଅଧିକାରୀ-ବନ ସୁରକ୍ଷା ସମିତି ସଭାପତିଙ୍କ ଯୁଗ୍ମ ଜମାଖାତା ରହିଛି। ତେବେ ଅନେକ ସମୟରେ ସରକାରୀ କର୍ମଚାରୀ ଲୋକଙ୍କ ନିରକ୍ଷରତାର ସୁଯୋଗରେ ସେମାନଙ୍କ ଟିପଚିହ୍ନ ନେଇ ଅର୍ଥ ହଡ଼ପ କରୁଥିବା ମଧ୍ୟ ଅଭିଯୋଗ ହେଉଛି। ଅଙ୍ଗନୱାଡ଼ି କର୍ମୀ ଓ ୱାର୍ଡମେମ୍ବରଙ୍କ ଯୁଗ୍ମ ଜମାଖାତାକୁ ଆସୁଥିବା ଅର୍ଥ ସମେତ ଅନ୍ୟ ସରକାରୀ ଅନୁଦାନରୁ ବ୍ୟାପକ ହେରଫେର ହେଉଛି। ବ୍ଲକରେ ଅନେକ ବିଦ୍ୟାଳୟ ରହିଛି ଯେଉଁଠି ଅତୀତରେ ଦାୟିତ୍ବରେ ଥିବା ଶିକ୍ଷକମାନେ ବିଦ୍ୟାଳୟ କମିଟି ସଭାପତିଙ୍କୁ ଭୁଆଁ ବୁଲାଇ ନିର୍ମାଣ ଅନୁଦାନ ଚଳୁ କରିଛନ୍ତି। ଟିପ ଚିହ୍ନ ନେଇ ପରିବାର ମଙ୍ଗଳ ଯୋଜନା ହିତାଧିକାରୀଙ୍କ ଜମାଖାତାରୁ ଅର୍ଥ ହଡ଼ପ ହେଉଛି । ଆଦିବାସୀ ମହିଳାଙ୍କୁ ନେଇ ଗଠିତ ବିଭିନ୍ନ ଏସଏଚ୍‌ଜିକୁ ମିଳୁଥିବା ସବସିଡ୍‌ ଲୋନରେ ମଧ୍ୟ କାରସାଦି ଚାଲିଛି। ଅନେକ ଅଙ୍ଗନୱାଡ଼ି କେନ୍ଦ୍ରରେ ଟିଏଚ୍‌ଆର୍‌ ଖାଦ୍ୟ ବଣ୍ଟନରେ ହିତାଧିକାରୀଙ୍କ ଟିପଚିହ୍ନରେ ଜାଲିଆତି କରାଯାଇ ସେ ସବୁ ହଡ଼ପ କରାଯାଉଛି ।
ସୂଚନାଯୋଗ୍ୟ ଯେ, ଆଦିବାସୀ ଅଧ୍ୟୁଷିତ କୋରାପୁଟ ଜିଲାରେ ୧୮ରୁ ଊର୍ଦ୍ଧ୍ୱ ବୟସର ଲୋକଙ୍କ ମଧ୍ୟରେ ସାକ୍ଷରତା ହାର ବୃଦ୍ଧି ପାଇଁ ନବେ ଦଶକରୁ ବିଭିନ୍ନ ଯୋଜନା କରାଯାଇ ଆସୁଛି। ପ୍ରୌଢ଼ଶିକ୍ଷା, ସାକ୍ଷରତା, ସାକ୍ଷର ଭାରତ ଯୋଜନା, ସାକ୍ଷର ସୁନ୍ଦର କୋରାପୁଟ, ଦେଲେ ଟିପ ହେବ ପାପ ଭଳି ସ୍ଳୋଗାନ ଦିଆଯାଇଛି। ଉକ୍ତ ଯୋଜନାରେ ବିପୁଳ ଅନୁଦାନ ଭୋଜିଭାତ, ମିଟିଂ ଓ ମେଟେରିଆଲସ୍‌ ବାବଦରେ ଖର୍ଚ୍ଚ ହୋଇଆସୁଛି। କିନ୍ତୁ ଫଳ ଶୂନ୍‌। ସାକ୍ଷର ନାମରେ ଏବେ ମଧ୍ୟ ଅନେକ ଅଛନ୍ତି, ଯେଉଁମାନେ କେବଳ ନିଜ ନାମ ଦସ୍ତଖତ ଛଡ଼ା ଅନ୍ୟ କିଛି ଲେଖିବା ଜାଣିନାହାନ୍ତି। ପଞ୍ଚାୟତ ନିର୍ବାଚନରେ ସଂରକ୍ଷଣ ବ୍ୟବସ୍ଥା ଲାଗୁ ହୋଇଥିବା ବେଳେ ଅନେକ ସମୟରେ ଯୋଗ୍ୟ ପ୍ରାର୍ଥୀ ମିଳୁନାହାନ୍ତି। ନାମାଙ୍କନ ଦାଖଲ ୧୫ ଦିନ ପୂର୍ବରୁ ସେମାନେ କେବଳ ନିଜ ନାମ ଦସ୍ତଖତ କରିବା ଅଭ୍ୟାସ କରନ୍ତି। ଏ ସଂପର୍କରେ ଦାୟିତ୍ବରେ ଥିବା ଅତିରିକ୍ତ ଗୋଷ୍ଠୀ ଶିକ୍ଷାଧିକାରୀଙ୍କୁ ଯୋଗାଯୋଗ କରିବାରୁ ତାଙ୍କ ନିକଟରେ ଥିବା ତଥ୍ୟ ଅନୁସାରେ ସାକ୍ଷର ଭାରତ ଯୋଜନାରେ ୨୦୧୫ରେ ୮,୦୬୪ ଜଣଙ୍କୁ ସାକ୍ଷର କରିବାକୁ ଟାର୍ଗେଟ ଥିଲା। ଏପର୍ଯ୍ୟନ୍ତ ୪,୮୮୦ ଜଣ ଶିକ୍ଷାଦାନ ପାଇଥିବା ବେଳେ ସେମାନଙ୍କ ମଧ୍ୟରୁ ୨୦୧ ଜଣ ପରୀକ୍ଷାରେ ଅକୃତକାର୍ଯ୍ୟ ହୋଇଥିଲେ। ଏହା କେବଳ କାଗଜ କଲମରେ ସରକାରୀ ହିସାବ।


Enter your email to get our daily news in your inbox.

All Right Reserved By Dharitri.Com

ଦୁଇ ଦିନିଆ ରାୟଗଡ଼ା ଗସ୍ତରେ ଯିବେ ମୁଖ୍ୟମନ୍ତ୍ରୀ: ସଜେଇ ହେଉଛି ସହର

ରାୟଗଡ଼ା,୨୨।୧୨(ଆଶିଷ ରଞ୍ଜନ ପଣ୍ଡା)- ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଡିସେମ୍ବର ୨୬ରେ ଦୁଇ ଦିନିଆ ରାୟଗଡ଼ା ଜିଲା ଗସ୍ତରେ ଆସିବାର କାର୍ଯ୍ୟକ୍ରମ ରହିଛି। ଏହି ସମୟରେ...

ଡିଲ୍‌ ସମୟରେ ୨ ବାଘ ଛାଲ ଜବତ, ଜଣେ ଗିରଫ

ରାୟଗଡ଼ା,୧୫।୧୨(ଆଶିଷ ରଞ୍ଜନ ପଣ୍ଡା): ରାୟଗଡ଼ା ସହରରେ ଜଣେ ବ୍ୟକ୍ତି ୨ ବାଘ ଛାଲକୁ ବିକ୍ରି କରିବା ପାଇଁ ରବିବାର ଡିଲ୍‌ କରୁଥିବାବେଳେ ବନ ବିଭାଗର ଭିଜିଲାନ୍ସ...

ଅଟୋ ଚାଳକଙ୍କୁ ଗଳାକାଟି ହତ୍ୟା

ରାୟଗଡ଼ା/ଟିକିରି,୧୫।୧୨(ଆଶିଷ ରଞ୍ଜନ ପଣ୍ଡା/ପ୍ରଫୁଲ୍ଲ କୁମାର ବେହେରା): ରାୟଗଡା ଜିଲା କାଶୀପୁର ବ୍ଲକ ଟିକିରି ଥାନା ଅନ୍ତର୍ଗତ କଂସାରିଗୁଡା ଛକ ନିକଟରେ ଅଟୋ ଚାଳକଙ୍କୁ ଧାରୁଆ ଅସ୍ତ୍ର...

ଦନ୍ତା ଆକ୍ରମଣରେ ଚାଲିଗଲା ଡ଼ଙ୍ଗରିଆ ଯୁବକଙ୍କ ଜୀବନ

ରାୟଗଡ଼ା,୧୪।୧୧(ଆଶିଷ ରଞ୍ଜନ ପଣ୍ଡା): ରାୟଗଡ଼ା ଜିଲା କଲ୍ୟାଣସିଂହପୁର ବ୍ଲକ ଅନ୍ତର୍ଗତ ନିୟମଗିରି ପାହାଡ଼ର ଲାଖପଦର ଗ୍ରାମର ଜଣେ ଡ଼ଙ୍ଗରିଆ ଯୁବକ ଦନ୍ତା ହାତୀ ଆକ୍ରମଣରେ ମୃତ୍ୟୁବରଣ...

ରାୟଗଡ଼ା ମହୋତ୍ସବ ‘ଚଇତି’କୁ ଉଦ୍‌ଘାଟନ କରିବେ ମୁଖ୍ୟମନ୍ତ୍ରୀ

ରାୟଗଡ଼ା,୧୦।୧୨(ଆଶିଷ ରଞ୍ଜନ ପଣ୍ଡା): ଆସନ୍ତା ୨୬ରେ ରାୟଗଡ଼ା ଜିଲାସ୍ତରୀୟ ଲୋକ ମହୋତ୍ସବ ‘ଚଇତି’ କାର୍ଯ୍ୟକ୍ରମକୁ ଉଦ୍‌ଘାଟନ କରିବେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ। ଏ ନେଇ...

ନିୟମଗିରିରେ ବନ୍ଦହେଲା ଷ୍ଟ୍ରବେରି ଚାଷ

ରାୟଗଡ଼ା,୯।୧୨(ଆଶିଷ ରଞ୍ଜନ ପଣ୍ଡା): ରାୟଗଡ଼ା ଜିଲା ବିଷମକଟକ ବ୍ଲକ କୁର୍ଲି ପଞ୍ଚାୟତ ମହକୁମାର ଲାକୁନୁ ଜାକାସିକା ଗତ ବର୍ଷ ପ୍ରଥମ ଥର ପାଇଁ ଷ୍ଟ୍ରବେରି ଚାଷ...

ସେବାଶ୍ରମରେ ଚାଲିଗଲା ଛାତ୍ରୀଙ୍କ ଜୀବନ, କର୍ତ୍ତୃପକ୍ଷଙ୍କ ଅବହେଳାକୁ ଦାୟୀ କଲେ ପରିବାର ଲୋକେ

ରାୟଗଡ଼ା,୩୦ା୧୧(ଆଶିଷ ରଞ୍ଜନ ପଣ୍ଡା): ରାୟଗଡ଼ା କଲ୍ୟାଣସିଂହପୁର ବ୍ଲକ କରପା ସେବାଶ୍ରମର ଜଣେ ଛାତ୍ରୀଙ୍କ ମୃତ୍ୟୁ ହୋଇଛି। ହଷ୍ଟେଲରେ ଅସ୍ଥା ଗମ୍ଭୀର ହେବାରୁ କୋରାପୁଟ ସ୍ଥାନାନ୍ତର ବେଳେ...

ବର୍ଷେ ପୂରିବ, ଚାଉଳ ଫେରାଉନାହାନ୍ତି ମିଲର୍ସ

ରାୟଗଡା,୨୬।୧୧(ଆଶିଷ ରଞ୍ଜନ ପଣ୍ଡା): ବିଭିନ୍ନ ମିଲର୍ସ ମଣ୍ଡିରୁ ଧାନ ନେଇ ତା’ର ପ୍ରତିବଦଳରେ ସରକାରଙ୍କୁ ଚାଉଳ ଫେରାଇଥାନ୍ତି। ରାୟଗଡ଼ା ଜିଲାରେ ଆସନ୍ତା ୧୭ ତାରିଖରେ ଚଳିତ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri