ବମ୍ବେ: ଆରମ୍ଭରୁ ଚର୍ଚ୍ଚାରେ ‘ବିଗ୍ବସ୍-୧୩’। ଶୋ’ ନିର୍ମାତା ମଧ୍ୟ ଦର୍ଶକଙ୍କୁ ମନୋରଞ୍ଜନ ଡୋଜ୍ ଦେବାକୁ ଭଳିକିଭଳି ଉପାୟ ଆପଣାଉଛନ୍ତି। ନୂଆ ନୂଆ ଟୁଇଷ୍ଟ ଆଣ୍ଡ ଟର୍ନ ଯୋଗୁ ଶୋ’ ଟିଆର୍ପି ତାଲିକାର ଶୀର୍ଷରେ ରହିଆସୁଛି। ତେବେ ଯଦି ଶୋ’ର ଫର୍ମାଟ୍କୁ ଦେଖାଯାଏ, ବିଶେଷକରି ବିବାଦୀୟ ବ୍ୟକ୍ତିବିଶେଷଙ୍କୁ ଏଥିରେ ସୁଯୋଗ ଦିଆଯାଇଥାଏ। ଚଳିତ ଥର ଏଭଳି କିଛି ପ୍ରତିଯୋଗୀଙ୍କୁ ମଧ୍ୟ ଦେଖିବାକୁ ମିଳୁଛି। ଏବେ ଶୋ’ ଶେଷ ପର୍ଯ୍ୟାୟରେ ପହଞ୍ଚିଥିବା ବେଳେ ସେଲିବ୍ରିଟିମାନେ ନିଜ ନିଜ ପସନ୍ଦର ପ୍ରତିଯୋଗୀମାନଙ୍କ ସମର୍ଥନରେ ବାହାରୁଛନ୍ତି। ଏହି କ୍ରମରେ ଶ୍ରୀସନ୍ଥଙ୍କ ସହଧର୍ମିଣୀ ଭୁବନେଶ୍ୱରୀ ମଧ୍ୟ ବିଗ୍ବସ୍ର ବଡ଼ ପ୍ରଶଂସକ। ସେ ଏହାର ୩ଜଣ ପ୍ରତିଯୋଗୀଙ୍କୁ ସମର୍ଥନ କରୁଛନ୍ତି। ସେମାନେ ହେଲେ ଆସିମ୍ ରିଆଜ୍, ଶେହନାଜ୍ ଗିଲ୍ ଏବଂ ରଶ୍ମି ଦେଶାଇ। ଏମାନଙ୍କୁ ସେ ଟପ୍-୩ରେ ଦେଖିବାକୁ ଚାହୁଁଛନ୍ତି। ଅପରପକ୍ଷେ ଏକରକମ ଶୋ’ର ବିଜେତା କୁହାଯାଉଥିବା ସିଦ୍ଧାର୍ଥ ଶୁକ୍ଳା ତାଙ୍କୁ ପସନ୍ଦ ନ ଥିବା ସେ କହିଛନ୍ତି। ଏନେଇ ଭୁବନେଶ୍ୱରୀ ଟୁଇଟ୍ କରିଛନ୍ତି।
Rooting for Asim,Rashmi and Shenaaz Gill. They are my Favourites. 😇❤️💕🤞🏻 pic.twitter.com/89CNzlXYBK
— Bhuvneshwari Sreesanth (@Bhuvneshwarisr1) January 26, 2020
ବିଗ୍ବସ୍ର ପୂର୍ବ ସିଜନ୍ରେ ପ୍ରତିଯୋଗୀ ଥିଲେ ଶ୍ରୀସନ୍ଥ। ମ୍ୟାଚ୍ ଫିକ୍ସିଂ ମାମଲାରେ ସେ ଜେଲ ଯିବା ପରେ ବିବାଦରେ ରହିଆସୁଥିଲେ। ଏପରିକି ତାଙ୍କୁ କ୍ରିକେଟ୍ ଟିମ୍ରୁ ବାହାର କରିଦିଆଯାଇଥିଲା। ପରେ ସେ ଏହି ମାମଲାରେ ଦୋଷମୁକ୍ତ ହୋଇଥିଲେ ହେଁ ପୁନର୍ବାର ଖେଳଜଗତକୁ ଫେରିପାରି ନ ଥିଲେ। ଏହାର କିଛିଦିନ ପରେ ବିଗ୍ବସ୍ରେ ତାଙ୍କୁ ଦେଖିବାକୁ ମିଳିଥିଲା। ପ୍ରଥମ ରନର୍ସ ଅପ୍ ମଧ୍ୟ ସେ ହୋଇଥିଲେ। ଶ୍ରୀସନ୍ଥଙ୍କ ଜୀବନଯାତ୍ରାକୁ ଯଦି ଦେଖାଯାଏ, ତେବେ ଧର୍ମପତ୍ନୀ ଭୁବନେଶ୍ୱରୀ ତାଙ୍କର ଶକ୍ତି ବୋଲି କୁହାଯାଏ। ବିଗ୍ବସ୍ରେ ଶ୍ରୀସନ୍ଥ ଥିବା ସମୟରେ ସେ ସମର୍ଥନ କରିଆସୁଥିଲେ।
