ବମ୍ବେ: ଛୋଟ ପରଦାର ଲୋକପ୍ରିୟ ରିଆଲିଟି ଶୋ’ ବିଗ୍ବସ୍ ଦର୍ଶକଙ୍କ ଖୁବ୍ ମନୋରଞ୍ଜନ କରୁଛି। ପ୍ରେମ, ବନ୍ଧୁତ୍ୱ ଏବଂ ଡ୍ରାମାକୁ ନେଇ ଚଳିତ ସିଜିନ ଚର୍ଚ୍ଚାରେ ରହିଛି। ଘର ଭିତରେ ବନ୍ଦ ରହିଥିବା ଦଶଜଣ ପ୍ରତିଯୋଗୀ ଚଳିତ ସପ୍ତାହରେ ତାଙ୍କ ପରିବାରଲୋକଙ୍କୁ ଭେଟିବେ। ମଙ୍ଗଳବାର ପ୍ରସାରିତ ଏପିସୋଡରେ ଏହାର ଝଲକ ଦେଖିବାକୁ ମିଳିଛି। ପ୍ରତିଯୋଗୀ ଶେହନାଜ ଗିଲଙ୍କ ବାପା, ମାହିରା ଶର୍ମାଙ୍କ ମା’, ଆରତି ସିଂହଙ୍କ ଭାଇ, ଶୈଫାଲୀଙ୍କ ସ୍ବାମୀ ବିଗ୍ବସ୍ ଘରେ ପ୍ରବେଶ କରିବେ। ବୁଧବାର ଏହା ଦେଖିବାକୁ ମିଳିବ। ଏହାକୁ ନେଇ ପ୍ରତିଯୋଗୀମାନେ ବେଶ ଖୁସିଥିବା ଦେଖାଯାଉଛି। ଏହାର ଝଲକ ଥିବା କିଛି ଭିଡିଓ କଲର୍ସ ସୋସିଆଲ ପୃଷ୍ଠାରେ ଶେୟାର କରାଯିବା ପରେ ଦର୍ଶକଙ୍କ ଉତ୍କଣ୍ଠା ବଢ଼ିଯାଇଛି।