ମୁମ୍ବାଇ: ବଲିଉଡ୍ ମହାନାୟକ ଅମିତାଭ ବଚ୍ଚନ ଓ ତାଙ୍କ ପୁଅ ଅଭିଷେକ ବଚ୍ଚନଙ୍କ ସମେତ ପରିବାରର ୪ ସଦସ୍ୟ କରୋନାରେ ଆକ୍ରାନ୍ତ ହେବା ଘଟଣା ଜଣାପଡିବା ପରେ ତାଙ୍କ ପ୍ରଶଂସକ ସାମନ୍ୟ ନିରାଶ ହୋଇଯାଇଛନ୍ତି। ତେବେ ଅମିତାଭ ଓ ଅଭିଷେକଙ୍କ ଆଶୁ ଆରୋଗ୍ୟ କାମନା କରିଛନ୍ତି ତାଙ୍କର ଶୁଭ ଚିନ୍ତକମାନେ। ବଲିଉଡ୍ର ଡ୍ରିମଗର୍ଲ ହେମା ମାଳିନୀ ମଧ୍ୟ ବିଗ୍ ବିଙ୍କ ଆଶୁ ଆରୋଗ୍ୟ କାମନା କରିଛନ୍ତି। ନିକଟରେ ତାଙ୍କର ସ୍ବାସ୍ଥ୍ୟାବସ୍ଥା ଖରାପକୁ ନେଇ ଗୁଡାଏ ମିଛ ଖବର ପ୍ରଚାରିତ ହେବା ପରେ ଏବେ ହେମା ୩ଟି ଭିଡିଓ ଶେୟାର କରି ସେ ସୁସ୍ଥ ଥିବା ଦର୍ଶାଇବା ସହ ଅମିତାଭ, ଅଭିଷେକ, ଐଶ୍ୱର୍ଯ୍ୟା ଓ ଆରାଧ୍ୟା କରୋନାରେ ପୀଡ଼ିତ ହେବା ଦୁଃଖ ଦାୟକ ବୋଲି କହିଛନ୍ତି। ଏହାସହ ସେ ବଚ୍ଚନ ପରିବାରର ଆଶୁ ଆରୋଗ୍ୟ କାମନା ମଧ୍ୟ କରିଛନ୍ତି।
