ଜେନାପୁର,୪।୩(ଡି.ଏନ୍.ଏ.): ଯାଜପୁର ଜିଲା ଧର୍ମଶାଳା ତହସିଲ ଅନ୍ତର୍ଗତ ବିଛାଖଣ୍ଡିଠାରେ ବେଆଇନ ଭାବେ ଚାଲୁଥିବା କ୍ରଶରକୁ ବୁଧବାର ଜିଲା ପ୍ରଶାସନ ପକ୍ଷରୁ ଉଚ୍ଛେଦ କରାଯାଉଛି। ତେବେ ପୂର୍ବରୁ ଏ ନେଇ କ୍ରଶର ମାଲିକଙ୍କୁ ନୋଟିସ କରାଯାଇଥିଲା। ସମୟସୀମା ମଧ୍ୟରେ କୌଣସି ଗୁରୁତ୍ୱପୂର୍ଣ୍ଣ କାଗଜ ପ୍ରଶାସନ ପାଖରେ ପୈଠ କରିପାରି ନ ଥିଲେ। ପୂର୍ବ ନୋଟିସ ଆଧାରରେ ଏହି ଉଚ୍ଛେଦ ଚାଲିଛି। ବର୍ତ୍ତମାନ ସୁଦ୍ଧା ଦୁଇଟି କ୍ରଶର ସମ୍ପୂର୍ଣ୍ଣ ଭଙ୍ଗାସରିଛି। ଶାନ୍ତିଶୃଙ୍ଖଳାକୁ ଦୃଷ୍ଟିରେ ରଖି ୧ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି।
ଏହି ସମୟରେ ଅତିରିକ୍ତ ଜିଲାପାଳ ନାରାୟଣ ଚନ୍ଦ୍ର ଧଳ, ଏଡିଏମ୍ଓ ମିହିର ପ୍ରସାଦ ମହାନ୍ତି, ତହସିଲଦାର ସରୋଜ କୁମାର ପଣ୍ଡା ଓ ଯାଜପୁର ଏସ୍ଡିପିଓ ଚିନ୍ମୟ କୁମାର ନାୟକ ପ୍ରମୁଖ ଉପସ୍ଥିତ ଅଛନ୍ତି।
