ବାଲେଶ୍ୱର ଅଫିସ,୧୮।୨-ବାଲେଶ୍ୱର ନେସ୍କୋ ୟୁଟିଲିଟି ଗତ ୧୬ତାରିଖଠାରୁ ବାଲେଶ୍ୱର, ଭଦ୍ରକ, ଯାଜପୁର, ମୟୂରଭଞ୍ଜ, କେନ୍ଦୁଝର ଜିଲାର ସ୍ବତନ୍ତ୍ର ସ୍କ୍ବାଡ଼ ଦ୍ୱାରା ବିଦ୍ୟୁତ୍ ବିଲ୍ ଆଦାୟ କରିବା ସହ ବକେୟା ପଡ଼ିଥିବା ବିଦ୍ୟୁତ୍ ସଂଯୋଗ ପାର୍ଇ କଡ଼ା ଆଭିମୁଖ୍ୟ ଅବଲମ୍ବନ କରାଯାଇଛି। ଗୋଟିଏ ଦିନରେ ୨୦୭୨ ବିଦ୍ୟୁତ୍ ଉପଭୋକ୍ତାଙ୍କ ଠାରୁ ୧କୋଟି ୨୪ଲକ୍ଷ ୮୨ହଜାର ଟଙ୍କା ଆଦାୟ ହୋଇଛି ଧ ୮୩୨ ଉପଭୋକ୍ତାଙ୍କ ବିଦ୍ୟୁତ୍ କାଟ୍ କରାଯାଇଛି। ୨କୋଟି ୧୦ଲକ୍ଷ ୪ହଜାର ପୂର୍ବ ବକେୟା ଟଙ୍କା ଆଦାୟ ହୋଇଥିବାର ବିଭାଗୀୟ ସୂତ୍ରରୁ ଏକ ପ୍ରେସ୍ ବିବୃତିରେ ଜଣାଇଛନ୍ତି।
ବାଲେଶ୍ୱର ଜିଲାର ୨୭ ସ୍କ୍ବାଡ଼ ମାଧ୍ୟମରେ ୪୫୧ ବିଦ୍ୟୁତ୍ ଉପଭୋକ୍ତାଙ୍କ ୨୪ଲକ୍ଷ ୪୨ହଜାର ଟଙ୍କା ଆଦାୟ ହୋଇଛି। ୨୮୨ ଉପଭୋକ୍ତାଙ୍କ ବିଦ୍ୟୁତ୍ କାଟ୍ କରାଯାଇଛି। ଅନ୍ୟପକ୍ଷରେ ୩୭ଲକ୍ଷ ୫ହଜାର ଟଙ୍କା ପୂର୍ବ ବକେୟା ଟଙ୍କା ଆଦାୟ ହୋଇଛି। ସେହିପରି ଭଦ୍ରକରେ ୧୭ଟି ସ୍କ୍ବାଡ଼ ମାଧ୍ୟମରେ ୪୦୨ ବିଦ୍ୟୁତ୍ ଉପଭୋକ୍ତାଙ୍କଠାରୁ ୧୪ଲକ୍ଷ ୫୫ହଜାର ଟଙ୍କା ଆଦାୟ ହୋଇଛି। ୧୩୦ ଉପଭୋକ୍ତାଙ୍କ ବିଦ୍ୟୁତ୍ କାଟ୍ କରାଯାଇଛି। ଅନ୍ୟପକ୍ଷରେ ୨୨ଲକ୍ଷ ୯୫ହଜାର ଟଙ୍କା ପୂର୍ବ ବକେୟା ଟଙ୍କା ଆଦାୟ ହୋଇଛି। ଯାଜପୁରରେ ୧୮ଟି ସ୍କ୍ବାର୍ଡ଼ ମାଧ୍ୟମରେ ୪୩୩ ବିଦ୍ୟୁତ୍ ଉପଭୋକ୍ତାଙ୍କ ଠାରୁ ୩୫ଲକ୍ଷ ୭୫ହଜାର ଟଙ୍କା ଆଦାୟ ହୋଇଛି। ୧୧୨ ଉପଭୋକ୍ତାଙ୍କ ବିଦ୍ୟୁତକାଟ୍ କରାଯାଇଛି। ଅନ୍ୟପକ୍ଷରେ ୨୭ଲକ୍ଷ ୫୯ହଜାର ଟଙ୍କା ପୂର୍ବ ବକେୟା ଟଙ୍କା ଆଦାୟ ହୋଇଛି। ମୟୂରଭଞ୍ଜରେ ୨୨ଟି ସ୍କ୍ବାଡ଼ ମାଧ୍ୟମରେ ୪୫୬ ବିଦ୍ୟୁତ୍ ଉପଭୋକ୍ତାଙ୍କଠାରୁ ୪୧ଲକ୍ଷ ଟଙ୍କା ଆଦାୟ ହୋଇଛି। ୧୮୩ ଉପଭୋକ୍ତାଙ୍କ ବିଦ୍ୟୁତ କାଟ୍ କରାଯାଇଛି। ଅନ୍ୟପକ୍ଷରେ ୯୭ଲକ୍ଷ ଟଙ୍କା ପୂର୍ବ ବକେୟା ଟଙ୍କା ଆଦାୟ ହୋଇଛି। କେନ୍ଦୁଝରରେ ୧୪ଟି ସ୍କ୍ବାଡ଼ ମାଧ୍ୟମରେ ୩୩୦ ବିଦ୍ୟୁତ୍ ଉପଭୋକ୍ତାଙ୍କଠାରୁ ୧୨ଲକ୍ଷ ୧୦ହଜାର ଟଙ୍କା ଆଦାୟ ହୋଇଛି। ୧୨୫ ଉପଭୋକ୍ତାଙ୍କ ବିଦ୍ୟୁତକାଟ୍ କରାଯାଇଛି। ଅନ୍ୟପକ୍ଷରେ ୨୫ଲକ୍ଷ ଟଙ୍କା ପୂର୍ବ ବକେୟା ଟଙ୍କା ଆଦାୟ ହୋଇଥିବାର ବିଭାଗୀୟ ସୂତ୍ରରୁ ସୂଚନା ମିଳିଛି।