ଭୁବନେଶ୍ୱର, ୨୮।୩ (କ୍ରୀଡ଼ା ପ୍ରତିନିଧି)- କରୋନା ଭାଇରସ ସଂକ୍ରମଣ ଏବେ ସାରା ବିଶ୍ୱରେ କାୟା ବିସ୍ତାର କରିଛି। ସଂକ୍ରମଣକୁ କିପରି ରୋକାଯାଇ ପାରିବ ଏବଂ ଏଥିରୁ କିପରି ରକ୍ଷା ମିଳିବ ତାହା ଏବେ ଚିନ୍ତାର ପ୍ରମୁଖ କାରଣ ପାଲଟିଛି। ଏହାର ପ୍ରଭାବରେ ଭାରତରେ ୧୮ ଜଣ ମୃତୁବରଣ କରିଥିବାବେଳେ ବିଶ୍ୱରେ ଏହି ସଂଖ୍ୟା ୨୩,୦୦୦ ଟପିଛି। ଏହି କାରଣରୁ ଟୋକିଓ ଅଲିମ୍ପିକ୍ସ, ୟୁରୋ କପ୍ ଫୁଟବଲ, କୋପା ଆମେରିକା ଫୁଟବଲ ଆଦି ଅନେକ ବଡ଼ କ୍ରୀଡ଼ା ପ୍ରତିଯୋଗିତା ସ୍ଥଗିତ ରହିଛି। ବିଶ୍ୱରେ କ୍ରୀଡ଼ା ଏବେ ସ୍ଥାଣୁ ଆବସ୍ଥାକୁ ଚାଲି ଆସିଛି। ତେଣୁ ସ୍ବାଭାବିକଭାବେ ଓଡ଼ିଶାରେ ଏହାର ପ୍ରଭାବ ପଡ଼ିଛି। ଭାଇରସ ସଂକ୍ରମଣକୁ କିପରି ରୋକାଯାଇ ପାରିବ ଏଥିପାଇଁ ସରକାରୀ କଳଠାରୁ ଆରମ୍ଭ କରି ସମସ୍ତେ ଉଦ୍ୟମକୁ ଜୋରଦାର କରିଛନ୍ତି। ଓଡ଼ିଶା କ୍ରୀଡ଼ା ମଧ୍ୟ ଗୁରୁତର ପ୍ରଭାବିତ ହୋଇଛି। ସମସ୍ତ କ୍ରୀଡ଼ା ପ୍ରତିଯୋଗିତା ସ୍ଥଗିତ କିମ୍ବା ବାତିଲ ହୋଇଛି। ଏହି ପରିପ୍ରେକ୍ଷୀରେ ରାଜ୍ୟର ସର୍ବୋଚ୍ଚ ବିଜୁପଟ୍ଟନାୟକ କ୍ରୀଡ଼ା ପୁରସ୍କାର ପାଇଁ ଆବେଦନ ତାରିଖ ମଧ୍ୟ ଘୁଞ୍ଚତ୍ବା ନିଶ୍ଚିତ ହୋଇଛି। ମିଳିଥିବା ସୂଚନା ଅନୁସାରେ ଏହା ମେ’ ମାସ ଶେଷ ପର୍ଯ୍ୟନ୍ତ ଘୁଞ୍ଚତ୍ବା ସମ୍ଭାବନା ରହିଛି। ଗତ ଜାନୁୟାରୀ ୨୦ ତାରିଖରେ ରାଜ୍ୟ କ୍ରୀଡ଼ା ଓ ଯୁବସେବା ବିଭାଗ ପକ୍ଷରୁ ପ୍ରକାଶିତ ବିଜ୍ଞପ୍ତି ଅନୁସାରେ ୨୦୧୯ ମସିହା କ୍ରୀଡ଼ା ପୁରସ୍କାର ପାଇଁ ଆବେଦନ ଶେଷ ତାରିଖ ମାର୍ଚ୍ଚ ୩୧କୁ ଧାର୍ଯ୍ୟ କରାଯାଇଥିଲା। ଦିନ ପାଖେଇ ଆସିଥିବାବେଳେ କଟକଣା ପାଇଁ କାର୍ଯ୍ୟାଳୟ ବନ୍ଦ ରହୁଥିବାରୁ ଅନେକ ଆଶାୟୀ ଆବେଦନ କରି ନ ପାରି ଚିନ୍ତାରେ ଅଛନ୍ତି। ତେବେ ଆବେଦନ ପାଇଁ ସମୟ ସୀମାକୁ ଘୁଞ୍ଚାଇବାକୁ ପଡ଼ିବ ବୋଲି ମତପ୍ରକାଶ କରିଛନ୍ତି କ୍ରୀଡ଼ା ସଚିବ ବିଶାଲ ଦେବ। ଏବେ ସମସ୍ତେ ଗୋଟିଏ କାମରେ ଲାଗିଛନ୍ତି। ସାମ୍ପ୍ରତିକ ସ୍ଥିତିରେ ଅନ୍ୟ କୌଣସି କଥା ଚିନ୍ତା କରିବା ସମ୍ଭବ ହେଉନି ବୋଲି ସେ ପ୍ରକାଶ କରିଛନ୍ତି। ପ୍ରକାଶ ଯୋଗ୍ୟ ଯେ, ରାଜ୍ୟ ସରକାରଙ୍କ ପକ୍ଷରୁ କ୍ରୀଡ଼ା କ୍ଷେତ୍ରକୁ ଆଜୀବନ ଅବଦାନ ପାଇଁ ଲାଇଫ୍ ଟାଇମ୍ ଆଚିଭ୍ମେଣ୍ଟ, ଶ୍ରେଷ୍ଠ କ୍ରୀଡ଼ାବିତ୍, ଶ୍ରେଷ୍ଠ କୋଚ୍, ଶ୍ରେଷ୍ଠ କ୍ରୀଡ଼ା ଖବରଦାତା ଏବଂ କ୍ରୀଡ଼ାର ସର୍ବାଙ୍ଗୀନ ଉନ୍ନତି ନିମନ୍ତେ ସର୍ବୋତ୍କୃଷ୍ଟ