ଭବାନୀପାଟଣା,୬।୯(ଡି.ଏନ.ଏ.)-ଭବାନୀପାଟନା ପୌରପାଳିକା ବିଜୁ ଯୁବବାହିନୀ ତରଫରୁ ଗୁରୁବାର ଗୁରୁଦିବସଠାରୁ ସବୁଜବନାନୀ ଚାରାରୋପଣ କାର୍ଯ୍ୟକ୍ରମ ଆରମ୍ଭ କରାଯାଇଛି। ଗୁରୁବାର ସ୍ଥାନୀୟ ସରକାରୀ ଉଚ୍ଚପ୍ରାଥମିକ ବିଦ୍ୟାଳୟ ମଝିପଡାଠାରେ ବିଜୁ ଯୁବବାହିନୀ, ସ୍ବଚ୍ଛାସେବୀ, ସ୍କୁଲ ଛାତ୍ରୀଛାତ୍ର, ଶିକ୍ଷୟିତ୍ରୀ ଶିକ୍ଷକ ବିଦ୍ୟାଳୟ ପରିସରରେ ୨୦୦ରୁ ଊର୍ଦ୍ଧ୍ୱ ଚାରା ରୋପଣ କରିଛନ୍ତି। ଆଗାମୀ ଦିନରେ ସମସ୍ତ ୱାର୍ଡ ଓ ଗ୍ରାମପଞ୍ଚାୟତସ୍ତରରେ ସବୁଜ ବନାନୀ ଚାରାରୋପଣ କାର୍ଯ୍ୟକ୍ରମ କରାଯିବ ବୋଲି ବିଜୁ ଯୁବ ବାହିନୀ ଜିଲା ସଂଯୋଜକ ଅବିନାଶ ଠାକୁର ପ୍ରକାଶ କରିଛନ୍ତି। ଏହି କାର୍ଯ୍ୟକ୍ରମରେ ପୂର୍ବତନ ବିଧାୟକ ଦୁଷ୍ମନ୍ତ ନାଏକ, ପୂର୍ବତନ ନଗରପାଳ ଆଦିତ୍ୟ ନନ୍ଦ, ଯୁବନେତା ମଣ୍ଟୁ ନାଏକ, ମନିନ୍ଦ୍ର ମହାନ୍ତି, ମ୍ୟୁନିସିପାଲଟି ସଂଯୋଜକ ଅଭିଷେକ ମହାପାତ୍ର, ବିପିଏମ୍ୟୁର ଶ୍ରୀନିବାସ ରଥ, ଶରତ ବଳିଆର ସିଂ, ଜିତେନ୍ଦ୍ର ବେହେରା, ମହମ୍ମଦ ଇସମାଇଲ, ଅମିତ୍ ଯାଦବ, ଜଜାତି ମହାନ୍ତି ପ୍ରମୁଖ ସାମିଲ ହୋଇ ଚାରାରୋଣ ପାଇଁ ଉତ୍ସାହିତ କରିଥିଲେ।