ବରୀ,୧୭ା୧୧(ସ୍ବ.ପ୍ର.)- ବରୀ ନିର୍ବାଚନମଣ୍ଡଳୀ ଅଧୀନ ଅମଠପୁର ପଞ୍ଚାୟତର କମ୍ପଗଡ଼ ହାଟ ପଡ଼ିଆରେ ରବିବାର ବିଜେଡିର ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି। ବିଜେଡି ସଭାପତି ବ୍ରଜକିଶୋର ଭଞ୍ଜଙ୍କ ସଭାପତିତ୍ୱରେ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ବରୀ ବିଧାୟିକା ସୁନନ୍ଦା ଦାସ ଯୋଗଦେଇ ବରୀର ବିକାଶ ପାଇଁ ସମସ୍ତଙ୍କ ସହଯୋଗର ଆବଶ୍ୟକତା ରହିଛି। ଭାଜପା ଓ କଂଗ୍ରେସ ବିଜେଡିର ବିରୋଧି ହୋଇଥିଲେ ମଧ୍ୟ ବିକାଶ ପାଇଁ ବିରୋଧୀ ଦଳର କର୍ମୀଙ୍କ ନିମନ୍ତେ ବିଜେଡିର ଦ୍ୱାର ସବୁବେଳେ ଖୋଲା ରହିଛି ବୋଲି ବିଧାୟିକା ଦାସ କହିଥିଲେ। ଏହି ମିଶ୍ରଣ ପର୍ବରେ ଭାଜପା ଛାଡି ଅମଠପୁର ପଞ୍ଚାୟତର ଭାରପ୍ରାପ୍ତ ସରପଞ୍ଚ ପ୍ରଶାନ୍ତ କୁମାର ଜେନା, ସୁଶାନ୍ତ କୁମାର ଜେନା, ଶିବପ୍ରସାଦ ଜେନା, ଗୌରାଙ୍ଗ ମଲିକ, ରସାନନ୍ଦ ମଲିକ, ନାରାୟଣ ଜେନା, ଅନିଲ୍ କୁମାର ଜେନା, ନିରଞ୍ଜନ ମଲିକ, ତିଳୋତମା ଜେନା, ଅଭିମନ୍ୟୁ ସେଠୀ, ଚକ୍ରଧର ଦାସ, ହେମନ୍ତ ପଣ୍ଡା, ଅଜୟ କୁମାର ଦାସ, ଅଶ୍ୱୁନୀ ଶତପଥୀ ପ୍ରମୁଖ ଯୋଗଦାନ କରିଥିଲେ। ସେହିପରି କଂଗ୍ରସର ବରିଷ୍ଠ କର୍ମୀ ନୃସଂହ ଚରଣ ସାହୁ, ନବ ପରିଡା, କେଦାର ନାୟକଙ୍କ ସମେତ ଶତାଧିକ କର୍ମୀ ବିଜେଡିରେ ସାମିଲ୍ ହୋଇଛନ୍ତି। ନୂତନ କର୍ମୀଙ୍କୁ ବିଧାୟିକା ଦଳୀୟ ପତାକା ଓ ଫୁଲହାର ଦେଇ ସ୍ବାଗତ କରିଥିଲେ। ଆଗାମୀ ଦିନରେ ଆହୁରୀ ୬ରୁ ୭ ଜଣ ସରପଞ୍ଚ ଓ ସମିତି ସଭ୍ୟ ଭାଜପା ଛାଡି ବିଜେଡିରେ ମିଶିବାର କାର୍ଯ୍ୟକ୍ରମ ରହିଥିବା ଦଳ ପକ୍ଷରୁ କୁହାଯାଇଛି। ବରିଷ୍ଠ ବିଜେଡି ନେତା ଦେବେନ୍ଦ୍ର ଦାସ, ଜିଲାପରିଷଦ ସଦସ୍ୟ ଅଶୋକ ସାମଲ, ଯୁବ ନେତା ରଞ୍ଜନ ପଣ୍ଡା, ସରପଞ୍ଚ ସନ୍ତୋଷ ସାମଲ, କେଦାର ସାମଲ, ବିଚିତ୍ରାନନ୍ଦ ଜେନା ପ୍ରମୁଖ ମଞ୍ଚାସୀନ ଅତିଥିବଭାବେ ଯୋଗ ଦେଇଥିଲେ।