ବରଗଡ଼ ଅଫିସ,୧୮।୧୦: ବରଗଡ଼ ଜିଲା ବିଜେପୁର ଉପନିର୍ବାଚନରେ ଦଳୀୟ ପ୍ରାର୍ଥୀ ସନତ କୁମାର ଗଡ଼ତିଆଙ୍କ ପାଇଁ ଶୁକ୍ରବାର କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀ ପ୍ରଚାର ମୈଦାନକୁ ଓହ୍ଲାଇଛନ୍ତି। ବରପାଲି ବ୍ଲକ ମହଦାରୁ ସେ ପ୍ରଚାର ଆରମ୍ଭ କରି ପଦଯାତ୍ରାରେ ବିଭିନ୍ନ ଗ୍ରାମକୁ ଯାଇ ଘର ଘର ବୁଲିବା ସହ ଭାଜପା ପ୍ରାର୍ଥୀ ସନତଙ୍କୁ ଭୋଟ ଦେବା ପାଇଁ ନିବେଦନ କରିଥିଲେ। ପ୍ରଚାର ସମୟରେ ଅନ୍ୟମାନଙ୍କ ମଧ୍ୟରେ ଭାଜପା ନେତା ସୁଶାନ୍ତ ମିଶ୍ର, ନିରୋଜ ପ୍ରଧାନ, ସଙ୍ଗୀତା ସୁନା ପ୍ରମୁଖ ଉପସ୍ଥିତ ଥିଲେ।