ପାଟକୁରା,୧୪।୭(ଡି.ଏନ୍.ଏ.) : କେନ୍ଦ୍ରାପଡ଼ା ଜିଲା ପାଟକୁରା ନିର୍ବାଚନମଣ୍ଡଳୀରେ ଭାଜପା ପ୍ରାର୍ଥୀ ବିଜୟ ମହାପାତ୍ରଙ୍କ ରୋଡ୍ ଶୋ’ରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସାମିଲ ହୋଇଛନ୍ତି। ବିଜୟ ମହାପାତ୍ର ରାଜ୍ୟର ଜଣେ ଟାଣୁଆ ନେତା। ସେ ନିର୍ବାଚିତ ହେଲେ ପାଟକୁରା ଅଞ୍ଚଳ ଅଧିକ ବିକଶିତ ହେବ ବୋଲି ଧର୍ମେନ୍ଦ୍ର ଭୋଟରଙ୍କୁ କହିଛନ୍ତି। ଗରଦପୁର ବ୍ଲକର ମଧୁ, ବଡ଼ବେତ୍ରା, ଭଗବାନପୁର, ସାନଓଢ଼ଙ୍ଗା, ତିକନପୁର ଏବଂ ନଡ଼ିଆବରେଇରେ ଭାଜପା ରୋଡ୍ ଶୋ’ କରିଛି।