ବାଲେଶ୍ୱର ଅଫିସ,୧୦।୧୦- ଝାଡ଼ଖଣ୍ଡ ରାଜ୍ୟର ରାଜଧାନୀ ରାଞ୍ଚତ୍ଠାରେ ଗତ ୨ ତାରିଖଠାରୁ ୬ ତାରିଖ ପଯର୍ୟନ୍ତ ଜାତୀୟ ସବ୍ ଜୁନିୟର ଖୋଖୋ (ବାଳିକା ଓ ବାଳକ) ପ୍ରତିଯୋଗିତା ଅନୁଷ୍ଠିତ ହୋଇଥିଲା। ଏହି ପ୍ରତିଯୋଗିତାରେ ଓଡ଼ିଶା ବାଳିକା ଦଳ ଦୀର୍ଘ ୨୯ ବର୍ଷ ପରେ ଶକ୍ତିଶାଳୀ ମହାରଷ୍ଟ୍ରକୁ ହରାଇ ଚାମ୍ପିୟନ ଓ ବାଳକ ବିଭାଗ ମହାରଷ୍ଟ୍ରଠାରୁ ହାରି ରନର୍ସଅପ୍ ହୋଇଥିଲେ। କୁମାରୀ ଅନନ୍ୟା ପ୍ରଧାନ ଶ୍ରେଷ୍ଠ ଖେଳାଳି ଭାବେ ପୁରସ୍କୃତ ହୋଇଥିଲେ। ବିଜୟୀ ଓଡ଼ିଶା ଖୋଖୋ ଦଳ ରାଞ୍ଚତ୍ରୁ ବାଲେଶ୍ୱର ଦେଇ ନୀଳାଚଳ ଏକ୍ସପ୍ରେସ୍ରେ ଭୁବନେଶ୍ୱର ଅଭିମୁଖେ ଫେରୁଥିବା ସମୟରେ ବୁଧବାର ପୂବର୍ର୍ାହ୍ନରେ ବାଲେଶ୍ୱର ରେଳଷ୍ଟେଶନଠାରେ ଜିଲା କ୍ରୀଡ଼ାସଂଘ ତରଫରୁ ଉଭୟ ବାଳିକା ଓ ବାଳକ ଦଳକୁ ଫୁଲମାଳ ଦେଇ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା। ଜିଲା କ୍ରୀଡ଼ା ସଂଘର ବହୁ କର୍ମକର୍ତ୍ତା ଉପସ୍ଥିତ ରହି ବିଜୟୀ ଦଳକୁ ସମ୍ବର୍ଦ୍ଧନା ଜଣାଇ ସେମାନଙ୍କ ଶୁଭକାମନା କରିଥିଲେ। ଜିଲା କ୍ରୀଡ଼ାସଂଘର ଖୋଖୋ ଯୁଗ୍ମ ସମ୍ପାଦକ ତଥା ଓଡ଼ିଶା ଖୋଖୋ ଆସୋସିଏଶନର ସହସମ୍ପାଦକ କାର୍ତ୍ତିକ ଚନ୍ଦ୍ର ନାୟକଙ୍କ ସମେତ ଉପସଭାପତି ହରମୋହନ ଦାଶ, ବୀରେନ୍ଦ୍ର ସ୍ବାଇଁ, ଯୁଗ୍ମ ସମ୍ପାଦକ ଜଗଦୀଶ ବେହେରା, ନିମାଇଁ ଚରଣ ରାଉତରାୟ ଏବଂ ପ୍ରଦୀପ ଦାସ, ସାଦିକ ଅଲ୍ଲି ଖାଁ, ଚିତ୍ତରଞ୍ଜନ ପାସା, ସୁବିର କୁମାର ନାୟକ, ଜିଲା କ୍ରୀଡ଼ା ସଂଘର ସାଧାରଣ ସମ୍ପାଦକ ଅଭୟ ମହାପାତ୍ର, ଓଡ଼ିଶା ଖୋଖୋ କୋଚ୍ ମଳୟ ରଞ୍ଜନ ବେହେରା, ଜାତୀୟ ଖୋଖୋ କୋଚ୍ ପ୍ରୀତିରଞ୍ଜନ ପ୍ରଧାନ ଏବଂ ବହୁ ଖେଳାଳି ଉପସ୍ଥିତ ଥିଲେ। ଉଲ୍ଲେଖନୀୟ ଯେ, ଓଡ଼ିଶା ଖୋଖୋ ଦଳରେ ବାଲେଶ୍ୱରରୁ ୩ ଜଣ ପପୁ ମାରାଣ୍ଡି, ସୁନୀଲ ପାତ୍ର, ବସନ୍ତ ମୁଖୀ ଏବଂ ଦେବସ୍ମିତା ତରେଇ ସାମିଲ୍ ଅଛନ୍ତି ା ଏମାନଙ୍କ ମଧ୍ୟରୁ ବସନ୍ତକୁ ବାଦ୍ ଦେଲେ ଅନ୍ୟ ୩ଜଣଙ୍କୁ ରାଜ୍ୟ ତରଫରୁ ଖେଲୋ ଇଣ୍ଡିଆ ପାଇଁ ଚୟନ କରାଯାଇଛି।