ନୂଆଦିଲ୍ଲୀ: କାରଗିଲ୍ ଯୁଦ୍ଧରେ ପାକିସ୍ତାନୀ ସେନାର ମୋର୍ଟାର ଆକ୍ରମଣରେ ଡାହାଣ ଗୋଡ଼ ହରାଇଥିଲେ ମେଜର ଦେବେନ୍ଦ୍ର ପାଲ୍ ସିଂହ। କାରଗିଲ୍ ବିଜୟ ଦିବସ ଉପଲକ୍ଷେ ବିଜୟ ଜ୍ୟୋତି ଧରି ଦ୍ରାସ୍ ସେକ୍ଟରେ ଶେଷ ରାଉଣ୍ଡରେ ତାଙ୍କୁ ଦୌଡିବା ଦେଖାଯାଇଛି। ସେ କୃତ୍ରିମ ଗୋଡ଼ରେ ଏଭଳି ସାହସ ପ୍ରଦର୍ଶନ କରିଛନ୍ତି। ଜୁଲାଇ ୧୪ରେ ତାଙ୍କୁ ଏହି ବିଜୟ ଜ୍ୟୋତି ଗୃହମନ୍ତ୍ରୀ ରାଜନାଥ ସିଂହ ଦିଲ୍ଲୀରେ ପ୍ରଦାନ କରିଥିଲେ। ୧୯୯୭ ମସିହାରେ ଭାରତୀୟ ସେନାରେ ଯୋଗଦେଇଥିବା ମେଜର ସିଂହଙ୍କୁ ୨୫ ବର୍ଷ ବୟସ ହୋଇଥିବାବେଳେ କାର୍ଗିଲ ଯୁଦ୍ଧକ ଲଢିଥିଲେ। ଡାହାଣ ଗୋଡ଼ ହରାଇବା ପରେ ବି ସେ ସେନାର ‘ବ୍ଲେଡ୍ ରନର’ ଭାବେ ପରିଚିତ । ଏହି ପରିଚୟକୁ ନେଇ ସେ ଏବେ ସୁଦ୍ଧା ୨୬ଟି ହାଫ୍ ମାରାଥନ୍ ଓ ଗୋଟିଏ ଫୁଲ୍ ମାରାଥନରେ ଭାଗ ନେଇଛନ୍ତି। ମେଜର ସିଂହ ଡୋଗ୍ରା ରେଜିମେଣ୍ଟରେ ଥିଲେ ଓ କାରଗିଲ ଯୁଦ୍ଧ ସମୟରେ ସେ ତାଙ୍କ ୟୁନିଟ ସହ ଅଖ୍ନୋର ଏରିଆରେ ମୁତୟନ ହୋଇଥିଲେ। ଏଲ୍ଓସି ନିକଟରେ ସେ ତାଙ୍କ କମାଣ୍ଡ୍ ସମ୍ଭାଳୁଥିଲେ। ତାଙ୍କ କମାଣ୍ଡ୍ରେ ଥିଲେ ୩୦ ଜଣ ସୈନିକ। ଜୁଲାଇ ୧୩, ୧୯୯୯ରେ ପାକିସ୍ଥାନୀ ସେନା ପକ୍ଷରୁ ଆକ୍ରମଣ ଆରମ୍ଭ ହୋଇଥିଲା। ଏହାର ଦୁଇଦିନ ପରେ ଜୁଲାଇ ୧୫ରେ ସେ ବଙ୍କର୍ ବାହାରେ ଥିଲାବେଳେ ତାଙ୍କୁ ଲକ୍ଷ୍ୟକରାଯାଇ ଶତ୍ରୁପକ୍ଷରୁ ଦୁଇଟି ମୋର୍ଟାର ବମ୍ ଆକ୍ରମଣ କରାଯାଇଥିଲା। ଗୋଟିଏ ତାଙ୍କୁ ଅତିକ୍ରମ କରି ଚାଲିଯାଇଥିବାବେଳେ ଅନ୍ୟଟି ତାଙ୍କ ଡ଼ାହାଣ ପାଖରେ ପଡିଥିଲା ଯାହାଫଳରେ ସେ ଗୁରୁତର ଆହତ ହୋଇଥିଲେ। ଏହାପରେ ତାଙ୍କୁ ମେଡିକାଲ ନିଆଯାଇଥିଲା ଓ ତାଙ୍କ ଚେତା ଫେରିବା ପରେ ଜାଣିବାକୁ ପାଇଥିଲେଯେ, ମେଡିକାଲରେ ପହଞ୍ଚତ୍ବା ସମୟରେ ଡାକ୍ତର ତାଙ୍କୁ ମୃତ ଘୋଷଣା କରିଦେଇଥିଲେ। କିନ୍ତୁ ଜଣେ ଆନାସ୍ଥେସିଓଲୋଜିଷ୍ଟ ତାଙ୍କୁ ଛାଡି ଯିବାକୁ ମନା କରିଦେଇଥିଲେ । ସେ ତାଙ୍କ ଜୀବନ ବଞ୍ଚାଇଥିଲେ ବୋଲି କହନ୍ତି ମେଜର ସିଂହ। ସେହି ଡାକ୍ତରଙ୍କ ପରିଚୟ ୨୦ ବର୍ଷ ପରେ ଜାଣି ୧୫ ଦିନ ତଳେ ସେ ତାଙ୍କ ସହ କଥା ହୋଇଛନ୍ତି । ସେହି ଡାକ୍ତର ହେଉଛନ୍ତି କର୍ନେଲ ରାଜେନ୍ଦ୍ର ସିଂହ ଯେକି ଅବସର ନେବାପରେ ଏବେ କାଲିଫର୍ଣ୍ଣିଆରେ ରହୁଛନ୍ତି। ମେଜର ସିଂହ ମେଡ଼ିିକାଲରେ ଏକ ବର୍ଷ ଚିକିସତ୍ିତ ହୋଇଛନ୍ତି ଓ ତାଙ୍କର ଅନେକ ସର୍ଜରୀ କରାଯାଇଛି। ୨୦୦୯ରେ ସେ ଭାରତର ପ୍ରଥମ ଆମ୍ପ୍ୟୁଟି ମାରାଥନ୍ ରନର୍ ହୋଇଥିଲେ। ଲେହର ୧୧,୫୦୦ ଫୁଟ୍ ଉଚ୍ଚରେ ଅନୁଷ୍ଠିତ ମାରାଥନ୍ରେ ଭାଗ ନେଇଛନ୍ତି। ଏବେ ସେ ସ୍କାଏ୍ ଡାଇଭିଂ କରୁଛନ୍ତି। ସେ ବି ଜଣେ ଫ୍ରିଲାନ୍ସ ମୋଟିଭେଟର୍। ତାଙ୍କ ଗ୍ରାଫିକ ନୋଭେଲ‘ଗ୍ରିଟ୍:ଦି ମେଜର ଷ୍ଟୋରି’ ଆସନ୍ତା ମାସରେ ରିଲିଜ ହେବ।