ଲଣ୍ଡନ, ୧୪।୭: ପଳାତକ ଭାରତୀୟ ବ୍ୟବସାୟୀ ବିଜୟ ମାଲ୍ୟାଙ୍କୁ ଭେଟିଛନ୍ତି ଓ୍ବେଷ୍ଟଇଣ୍ଡିଜର ଦୁର୍ଦ୍ଧଶ ବ୍ୟାଟ୍ସମ୍ୟାନ୍ କ୍ରିସ୍ ଗେଲ୍। ଫର୍ମୁଲା-୧ ବ୍ରିଟିଶ ଗ୍ରାଁ ଫ୍ରି ମୈଦାନରେ ମାଲ୍ୟାଙ୍କ ସହ ଏକ ଫଟୋ ଉଠାଇ ନିଜ ଟୁଇଟରରେ ସେ ପୋଷ୍ଟ କରିଛନ୍ତ। ଏହାସହ ସେ ମାଲ୍ୟାଙ୍କୁ ‘ବିଗ୍ବସ୍’ ଏବଂ ‘ରକ୍ଷ୍ଟାର’ ଆଖ୍ୟା ଦେଇଛନ୍ତି। ତାଙ୍କୁ ଭେଟି ବେଶ୍ ଖୁସି ଲାଗିଲା ବୋଲି ଗେଲ କହିଛନ୍ତି। ମାଲ୍ୟାଙ୍କ ଭଳି ଜଣେ ପଳାତକ ବ୍ୟବସାୟୀଙ୍କୁ ‘ବିଗ୍ବସ୍’ ସହ ଫଟୋ ପୋଷ୍ଟ କରିବା ପରେ ତାଙ୍କୁ ଫ୍ୟାନମାନେ ଟ୍ରୋଲ କରିଥିତ୍ଲେ। ସୂଚନାଯୋଗ୍ୟ, ୨୦୧୬ ମସିହାରୁ ମାଲ୍ୟା ଭାରତରୁ ଫେରାର୍ ହୋଇ ଲଣ୍ଡନରେ ଅଛନ୍ତି। ମାଲ୍ୟାଙ୍କ ନାଁରେ ବିଭିନ୍ନ ବ୍ୟାଙ୍କରୁ ପାଖାପାଖି ୯ ହଜାର କୋଟି ଟଙ୍କା ଋଣ ବକେୟା ରହିଛି।
