ଛତ୍ରପୁର,୨୪ା୧୦(ଡି.ଏନ.ଏ.)-ଗଞ୍ଜାମ ଜିଲାର ଶ୍ରମିକମାନେ ଅନ୍ୟ ରାଜ୍ୟ ତଥା ବିଦେଶରେ ନିର୍ଯାତିତ ହେଉଛନ୍ତି। ଏପରିକି କେତେଜଣଙ୍କ ମୃତ୍ୟୁ ମଧ୍ୟ ହେଉଛି । ଏ ନେଇ ଜିଲା ପ୍ରଶାସନ, ଶ୍ରମ ବିଭାଗ ନାକେଦମ ହୋଇଗଲେଣି ା ଅନ୍ୟ ରାଜ୍ୟ କିମ୍ବା ବିଦେଶକୁ କାମ କରିବାକୁ ଯିବା ପୂର୍ବରୁ ଶ୍ରମିକମାନେ ଜିଲା ପ୍ରଶାସନ, ଶ୍ରମ ବିଭାଗକୁ ଜଣାଉନାହାନ୍ତି ବୋଲି ଜିଲାପାଳ ବିଜୟ ଅମୃତା କୁଲାଙ୍ଗେ କହିଛନ୍ତି। ଶ୍ରମିକମାନେ କେଉଁଠିକୁ ଯାଉଛନ୍ତି ସେ ସମ୍ପର୍କରେ ଶ୍ରମ ବିଭାଗକୁ ସମ୍ପୂର୍ଣ୍ଣ ତଥ୍ୟ ପ୍ରଦାନ କରିବା କଥା ା ଅନ୍ୟପକ୍ଷରେ ଶ୍ରମିକ ଚାଲାଣରେ ସମ୍ପୃକ୍ତ ଥିବା ଦଲାଲ ଓ ମଧ୍ୟସ୍ଥିଙ୍କ ତାଲିକା ପ୍ରସ୍ତୁତ କରାଯାଉଛି ା ଉକ୍ତ ତାଲିକାରେ ସେମାନଙ୍କ ସମ୍ପର୍କରେ ସମସ୍ତ ତଥ୍ୟ ରହିବ ା ଏ ନେଇ ଏକ ଆକ୍ସନ ପ୍ଲାନ୍ ପ୍ରସ୍ତୁତ କରିବାକୁ ଶ୍ରମ ବିଭାଗକୁ ନିର୍ଦ୍ଦେଶ ଦିଆଯାଇଥିବା ଜିଲାପାଳ ସୂଚନା ଦେଇଛନ୍ତି। ସମସ୍ତଙ୍କୁ ଆଇନ୍ ପରିସର ମଧ୍ୟକୁ ଅଣାଯିବ ା ଏଥିସହ ସେମାନଙ୍କ ଉପରେ ଦାୟିତ୍ୱ ଧାର୍ଯ୍ୟ କରାଯିବ ା କୁଏତରେ ମୃତ୍ୟୁ ଘଟିଥିବା ବ୍ୟକ୍ତିଙ୍କ ମୃତଦେହ ଆଣିବା ପାଇଁ ସରକାରଙ୍କୁ ଅବଗତ କରାଯାଇଥିବା ଜିଲାପାଳ ଖବରଦାତାଙ୍କ ପ୍ରଶ୍ନର ଉତ୍ତରରେ କହିଛନ୍ତି।