କୋଲକାତା,୫।୧୧: ପଶ୍ଚିମବଙ୍ଗ ଭାଜପା ଅଧ୍ୟକ୍ଷ ଦିଲ୍ଲୀପ୍ ଘୋଷ ଏକ ମନ୍ତବ୍ୟ ଦେଇ ଏବେ ଚର୍ଚ୍ଚାରେ ରହିଛନ୍ତି। ସେ କହିଛନ୍ତି ଯେ, ବିଦେଶୀ ଗାଈ ଗୋମାତା ନୁହଁନ୍ତି। ବିଦେଶୀ ଗାଈ ଭାରତୀୟ ଗାଈଙ୍କ ଭଉଣୀ। ତେଣୁ ତାଙ୍କୁ ଆଣ୍ଟି ଡକାଯିବା ଆବଶ୍ୟକ। ଜର୍ସି ଗାଈ ବିଦେଶୀ ହୋଇଥିବାରୁ ସେମାନଙ୍କର କ୍ଷୀରରେ ଦେବତାଙ୍କ ପୂଜା କରାଯିବା ଉଚିତ ନୁହେଁ। ସେହିଭଳି ଜର୍ସି ଗାଈଙ୍କର ପୂଜା କରାଯିବା ଦୋଷାବହ ବୋଲି ସେ କହିଛନ୍ତି। ଗୋ କଲ୍ୟାଣ ସମିତି ଦ୍ୱାରା ଆୟୋଜିତ କାର୍ଯ୍ୟକ୍ରମରେ ଯୋଗଦେଇ ସେ ଏଭଳି ମନ୍ତବ୍ୟ ଦେଇଛନ୍ତି।