ଫୁଲବାଣୀ ଅଫିସ, ୧୯ା୧୧- ଫିରିଙ୍ଗିଆ ବ୍ଲକ କେଳାପଡା ପଞ୍ଚାୟତ ବୈରୀକୂମ୍ପାଠାରେ ଖୋଲିଥିବା ସରକାରୀ ବିଦେଶୀ ମଦ ଦେକାନକୁ ସ୍ଥାନୀୟ ଅଞ୍ଚଳବାସୀ ବିରୋଧ କରୁଛନ୍ତି। ତୁରନ୍ତ ଉକ୍ତ ଦୋକାନ ବନ୍ଦ କରିବାକୁ ଦାବି ହୋଇ ଆସୁଛି। ଏପରିକି କିଛିଦିନ ତଳେ ଲୋକେ ଏ ନେଇ ଜିଲାପାଳଙ୍କୁ ଭେଟିଥିଲେ। ତଥାପି ପ୍ରଶାସନ ପକ୍ଷରୁ କୌଣସି ପଦକ୍ଷେପ ନିଆଯାଇନାହିଁ ା ଆସନ୍ତା ୨୫ ତାରିଖ ମଧ୍ୟରେ ମଦ ଦୋକାନ ବନ୍ଦ କରା ନ ଗଲେ ଆଇନକୁ ହାତକୁ ନିଆଯିବ ବୋଲି କୁଇ ସମାଜ ଏକ ରାଲି ମାଧ୍ୟମରେ ଚେତାବନୀ ଦେଇଛି ା କୁଇ ସମାଜ କର୍ମକର୍ତ୍ତା ପ୍ରଥମେ ଏକ ବୈଠକ କରିଥିଲେ ା ପରେ ସମସ୍ତ ସଦସ୍ୟ ଏବଂ ମହିଳା ସ୍ବୟଂ ସହାୟିକା ଗୋଷ୍ଠୀ ସଭ୍ୟାମାନେ କେଳାପଡାରୁ ଏକ ରାଲିରେ ବାହାରି ମଦ ଦୋକାନ ହୋଇଥିବା ଭୃଙ୍ଗିଯୋଡି ପର୍ଯ୍ୟନ୍ତ ଯାଇ ମଦ ବିକ୍ରି ବନ୍ଦ କରିବାକୁ ଦୋକାନୀଙ୍କୁ ଚେତାବନୀ ଦେଇଥିଲୋ ମଦ ଦୋକାନ ହେବା ଦ୍ୱାରା ଏଠାରେ ବହୁ ସମସ୍ୟାର ସମ୍ମୁଖିନ୍ନ ହେଉଛୁ ା ତେଣୁ କୌଣସି ପରିସ୍ଥିତିରେ ଏହାକୁ ବରଦାସ୍ତ କରାଯିବ ନାହିଁ ବୋଲି କୁଇ ସମାଜର ସମ୍ପାଦକ ବୁନା କହଁର, ପ୍ରଫୁଲ୍ଲ ପ୍ରଧାନ ପ୍ରକାଶ କରିଛନ୍ତି। କେଳାପଡା ଓ ଭୃଙ୍ଗିଯୋଡି ପଞ୍ଚାୟତ ମଧ୍ୟ ଭାଗରେ ଏହି ବିଦେଶୀ ମଦ ଦୋକାନ ଖୋଲାଯାଇଛି ା ଲୋକେ ଯାହା ରୋଜଗାର କରୁଛନ୍ତି ତାହା ନିଶା ପାଣିରେ ଉଡାଉଛନ୍ତି। ଦୋକାନ ପାଖାପାଖି ୨ଟି ବିଦ୍ୟାଳୟ, ଅଙ୍ଗନୱାଡି କେନ୍ଦ୍ର, ତ୍ରିନାଥ ମନ୍ଦିର ଏବଂ ଛୋଟ ବସ୍ଷ୍ଟପ ରହିଛି ା ତେଣୁ ମଦ ଦୋକାନ ତୁରନ୍ତ ବନ୍ଦ ହେବା ଦରକାର ବୋଲି ମହିଳା ସଂଘର ଅନିତା ମୁଖୀ, ଯୁବକ ସଂଘର ସୁବଳ କହଁର, ମହେଶ୍ୱର କହଁର, ରାଜେନ୍ଦ୍ର କହଁର ପ୍ରମୁଖ ପ୍ରକାଶ କରିଛନ୍ତି।