ନୂଆଦିଲ୍ଲୀ,୯।୭: ବଢିଛି ଜେଟ୍ ଏୟାରଓ୍ବେଜର ସଂସ୍ଥାପକ ନରେଶ ଗୋୟଲଙ୍କ ଅଡୁଆ। ଦିଲ୍ଲୀ ହାଇକୋର୍ଟ ମଙ୍ଗଳବାର ତାଙ୍କୁ ବିଦେଶ ଯିବାକୁ ଅନୁମତି ଦେବାଲାଗି ମନା କରି ଦେଇଛନ୍ତି। ଏହାସହ ତାଙ୍କ ବିରୋଧରେ ଜାରି କରାଯାଇଥିବା ଲୁକ୍ ଆଉଟ୍ ସର୍କୁଲାର(ଏଲ୍ଓସି)କୁ ନେଇ କେନ୍ଦ୍ର ସରକାରଙ୍କଠାରୁ କୋର୍ଟ ଜବାବ ମାଗିଛନ୍ତି। ତେଣୁ ଇତିମଧ୍ୟରେ ତାଙ୍କୁ କୌଣସି ପ୍ରକାର ମଧ୍ୟବର୍ତ୍ତିକାଳୀନ ଜାମିନ ମିଳିବ ନାହିଁ ବୋଲି କୋର୍ଟ କହିଛନ୍ତି। ଯଦି ସେ ବିଦେଶ ଯିବାକୁ ଇଚ୍ଛା କରନ୍ତି ତେବେ ତାଙ୍କୁ ୧୮ କୋଟି ଟଙ୍କା ଗ୍ୟାରେଣ୍ଟି ବାବଦରେ ଜମା କରିବାକୁ ପଡିବ।