ଜଳେଶ୍ୱର, ୨।୨(ସ୍ବ.ପ୍ର.)-ବାଲେଶ୍ୱର ଜିଲାର ରାଇବଣିଆ ଅଞ୍ଚଳର ଶ୍ୟାମନଗର, କାଳିକ, ଖୁଆଡ, କଳମା ଓ ସର୍ଦ୍ଦାରବନ୍ଧ ପଞ୍ଚାୟତରେ ରାତ୍ରୀ ସମୟରେ ବିଦ୍ୟୁ୍ତ୍କାଟ ଯୋଗୁ ଅନ୍ଧାର ସୁଯୋଗ ଦେଇ ହାତୀପଲ ବ୍ୟାପକ କ୍ଷତି ଘଟାଇ ଚାଲିଛନ୍ତି। ଲୋକମାନେ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ଯିବାରେ ସମସ୍ୟା ଭୋଗୁଛନ୍ତି। ଏନେଇ ଗ୍ରାମବାସୀ ଶୁକ୍ରବାର ନେସ୍କୋର କର୍ତ୍ତୃପକ୍ଷଙ୍କୁ ଅବଗତ କରାଯାଇଛି। ବିଦ୍ୟୁତ କଟାଯିବ ନାହିଁ ବୋଲି ଉଚ୍ଚ କର୍ତ୍ତୃପକ୍ଷ ନେତୃସ୍ଥାନୀୟ ଲୋକମାନଙ୍କୁ ପ୍ରତିଶ୍ରୁତି ଦେଇଥିଲେ ମଧ୍ୟ ଶୁକ୍ରବାର ରାତି ୮ଟାରୁ ବିଦ୍ୟୁତ୍ କାଟ ହୋଇଥିଲା। ଏହା ବିରୋଧରେ ଶନିବାର ସନ୍ଧ୍ୟାରେ ଶ୍ୟାମନଗରସ୍ଥିତ ୩୩/୧୧ କେଭିଏ ନେସ୍କୋ ଷ୍ଟ୍ରକ୍ଚର ସମ୍ମୁଖରେ ସରପଞ୍ଚ ପ୍ରତିନିଧି ଚନ୍ଦନ ପାତ୍ର, ସମିତି ସଦସ୍ୟ ଲଛମନ ପାତ୍ର, ଓଲମରା ସମିତି ସଦସ୍ୟ ଉଦୟନାଥ ମୁର୍ମୁ, ଶଶଧର ସାସମଲ, ସଞ୍ଜୀବ ସାସମଲ, ତପନ ପାତ୍ର, ଅନନ୍ତ ହେମ୍ବ୍ରମ, ପୂର୍ଣ୍ଣ ଦେ, ବିକ୍ରମ ଦାସ, ଗିରିଜା ଶାସମଲ ପ୍ରମୁଖଙ୍କ ନେତୃତ୍ୱରେ ଆଦିବାସୀମାନେ ଧାରଣାରେ ବସିଛନ୍ତି।
ଅନ୍ୟପକ୍ଷରେ ୧୩ଟି ହାତୀ ରଙ୍ଗାମାଟିଆରୁ ବାଗବୁଡ଼ା ଘଞ୍ଚ ଜଙ୍ଗଲରେ ରହିଛନ୍ତି । ଗତ ଶୁକ୍ରବାର ରାତିରେ ହାତୀମାନେ ଶ୍ୟାମନଗର ପଞ୍ଚାୟତ ଛାଡ଼ି ବାଗବୁଡ଼ା ମୁହଁ।ଇଥିବା ବେଳେ ରାତିରେ ୪ଜଣଙ୍କ ବାସଗୃହ ଭାଙ୍ଗିଥିବା ରେଞ୍ଜର ସରୋଜ ମହାନ୍ତି ସୂଚନା ଦେଇଛନ୍ତି।