କେନ୍ଦ୍ରାପଡା ଅଫିସ, ୯ା୯- କେନ୍ଦ୍ରାପଡା ବ୍ଲକ ଘିଘିଡିଆ ଗ୍ରାମର ୩୦ରୁ ଊର୍ଦ୍ଧ୍ୱ ହିତାଧିକାରୀ ସୌଭାଗ୍ୟ ଯୋଜନାରେ ସାମିଲ ହୋଇଛନ୍ତି ।ଅଦ୍ୟାବଧି ଏହି ହିତାଧିକାରୀଙ୍କୁ ବିଦ୍ୟୁତ ସଂଯୋଗ ଦିଆ ଯାଇ ନ ଥିବା ବେଳେ ସେମାନଙ୍କ ନିକଟକୁ ଜୁଲାଇ ମାସରେ ୧୫୧ ଟଙ୍କା ଲେଖାଏଁ ବିଲ୍ ଆସିଛି। ଏନେଇ ହିତାଧିକାରୀମାନେ ଅସନ୍ତୋଷବ୍ୟକ୍ତ କରିଛନ୍ତି। ଏ ସମ୍ପର୍କରେ ଘିଘିଡିଆ ଗ୍ରାମର ହିତାଧିକାରୀ ମଧୁସୂଦନ ଦାସ କୁହନ୍ତି, ଗତ ୨ ମାସ ପୂର୍ବେ ହିତାଧିକାରୀଙ୍କ ଘରେ ସୌଭାଗ୍ୟ ଯୋଜନାରେ ମିଟର ଓ ଅନ୍ୟାନ୍ୟ ବିଦ୍ୟୁତ ଉପକରଣ ଲଗାଯାଇଛି। ତେବେ ଅଦ୍ୟାବଧି କୌଣସି ହିତାଧିକାରୀଙ୍କୁ ବିଦ୍ୟୁତ ସଂଯୋଗ ଦିଆଯାଇନାହିଁ। ଏସମ୍ପର୍କରେ ଏନ୍ଜେନ ପରିଚାଳକ ଶ୍ରୀକାନ୍ତ ପଣ୍ଡା କୁହନ୍ତି, ମିଟର ଲାଗିଥିବାରୁ ଏହି ନମ୍ବରରେ ବିଲ ଆସିଛି। ତେବେ ବିଦ୍ୟୁତ ସଂଯୋଗ ଦିଆ ଯାଇ ନ ଥିବାରୁ ଦେୟ ଅର୍ଥ ଆଦାୟ ହେବନାହିଁ।