ନରାଜ,୫/୪(ଡି. ଏନ.ଏ) – କଟକ ଜିଲ୍ଲା ବାରଙ୍ଗ ଥାନା ଅନ୍ତର୍ଗତ ବ୍ରାହ୍ମଣୀଗାଁ ଗ୍ରାମରେ ବିଦ୍ୟୁତ ଆଘାତରେ ଜଣେ ୭ବର୍ଷର ବାଳକ ଗୁରୁତର ଆହତ ହୋଇଛନ୍ତି। ସେ ହେଲେ ସହି ଗ୍ରାମର ଆଦିତ୍ୟ ଦାସ। ଖବରରୁ ପ୍ରକାଶ, ରବିବାର ଆଦିତ୍ୟ ଘରେ ଖେଳୁଥିବା ସମୟରେ ଅସାବଧାନତା ବଶତଃ ବିଦ୍ୟୁତ ତାରକୁ ଧରି ଦେଇଥିଲେ। ଫଳରେ ପିଲାଟିର ଦୁଇ ହାତର ପାପୁଲି ପୋଡିଯିବା ସହ ସେହିଠାରେ ଚେତାଶୂନ୍ୟ ହୋଇଯାଇଥିଲେ। ଖବରପାଇ ବାରଙ୍ଗ ଥାନା ଅଧିକାରୀ ଶଶିକାନ୍ତ ରାଉତ ଘଟଣା ସ୍ଥଳରେ ପହଞ୍ଚି ପ୍ରାଥମିକ ଚିକିତ୍ସା ଦ୍ୱାରା ତାଙ୍କର ଚେତା ଫେରାଇ ଆଣିବା ପରେ ପୋଲିସ ଗାଡିରେ କଟକ ଶିଶୁଭବନରେ ଚିକିତ୍ସା ପାଇଁ ଭର୍ତ୍ତି କରିିଛନ୍ତି। ସେହିଭଳି ଶନିବାର ସନ୍ଧ୍ୟାରେ ସାପ କାମୁଡ଼ି ଥିବା ବିଦ୍ୟାଧରପୁର ଗ୍ରାମର ଧୀରେନ ବେହେରାଙ୍କୁ ଥାନା ଅଧିକାରୀ କଟକ ବଡ଼ ଡାକ୍ତରଖାନାରେ ଭର୍ତିକରିଥିଲେ। ସେ ବର୍ତ୍ତମାନ ସୁସ୍ଥ ଅଛନ୍ତି। ବାରଙ୍ଗ ଅଞ୍ଚଳରେ ବର୍ତ୍ତମାନ ସଟଡାଉନ ଥିବାବେଳେ ଥାନା ଅଧିକାରୀ ଲୋକମାନଙ୍କ ପାଖରେ ପହଞ୍ଚି ସେମନଙ୍କୁ ସାହଯ୍ୟ କରି ମାନବିକତାର ପରିଚୟ ସୃଷ୍ଟି କରିଛନ୍ତି।
