ବେଙ୍ଗାଲୁରୁ,୧୯।୭: କର୍ନାଟକର ରାଜନୀତି ସଙ୍କଟକୁ ନେଇ ଏବେ ସବୁଠି ଚର୍ଚ୍ଚା। ଗୁରୁବାର କୁମାରସ୍ବାମୀ ସରକାରଙ୍କ ଆସ୍ଥା ଭୋଟ ହୋଇ ପାରି ନ ଥିଲା। ଏଥିରେ ଅଡିବସି ଭାଜପା ନେତାମାନେ ବିଧାନସଭା ଭିତରେ ହିଁ ରାତି କଟାଇଥିଲେ। ରାଜନୀତି ସରଗରମ ଥିବା ବେଳେ ରାତିରେ ବିଧାନସଭାରେ ଥିବା ଭାଜପା ନେତାଙ୍କ ପାଇଁ କଂଗ୍ରେସ ନେତା ଓ ଉପମୁଖ୍ୟମନ୍ତ୍ରୀ ଜି ପରମେଶ୍ୱର ରାତ୍ରଭୋଜନର ବ୍ୟବସ୍ଥା କରିଥିଲେ। ଏହାକୁ ନେଇ ଉପମୁଖ୍ୟମନ୍ତ୍ରୀ କହିଥିଲେ ଏହା ହେଉଛି ଆମର କର୍ତ୍ତବ୍ୟ। ଏମାନଙ୍କ ମଧ୍ୟରେ କେତେଜଣ ଡାଇବେଟିସ୍ ଓ ହାଇ ବ୍ଲଡପ୍ରେସରରେ ପୀଡିତ ତେଣୁ ସେମାନଙ୍କ ପାଇଁ ସ୍ବତନ୍ତ୍ର ଖାଦ୍ୟର ବ୍ୟବସ୍ଥା କରାଯାଇଥିଲା। ରାଜନୀତି ବାହାରେ ଆମେ ସମସ୍ତେ ବନ୍ଧୁ। ଏହା ଆମ ଲୋକତନ୍ତ୍ରର ପରିଚୟ ବୋଲି ସେ କହିଥିଲେ।