ଲକ୍ଷ୍ନୌ,୩୧।୭: ୟୁପି ବିଧାନସଭାରେ ବୁଧବାର ଏକ ଅଜବ ଦୃଶ୍ୟ ଦେଖିବାକୁ ମିଳିଥିଲା। ଭାଜପା ବିଧାୟକ ହର୍ଷବର୍ଦ୍ଧନ ବାଜପେୟୀ ନଜୁଲ ଜମି ବିଲ ସମ୍ପର୍କରେ ନିଜ ସରକାର ଉପରେ ପ୍ରଶ୍ନ ଉଠାଇଥିଲେ। ଯେତେବେଳେ ସଂସଦୀୟ ବ୍ୟାପାର ମନ୍ତ୍ରୀ ସୁରେଶ ଖାନ୍ନା ତାଙ୍କୁ ଆକଟ କରିଥିଲେ, କିନ୍ତୁ ବିରୋଧୀ ଏନେଇ ହଟ୍ଟଗୋଳ କରିଥିଲେ।
ବାଜପେୟୀ କହିଛନ୍ତି, ସ୍ବାଧୀନତାର ୭୫ ବର୍ଷ ପୂର୍ବରୁ ଲୋକମାନେ ଶହ ଶହ ବର୍ଷ ଧରି ଏଠାରେ ରହିଆସୁଛନ୍ତି। ପିଏମ ମୋଦି ସେମାନଙ୍କୁ ଘର ଦେଇଛନ୍ତି, ଆପଣ ସେମାନଙ୍କ ଘର ଭାଙ୍ଗିବେ। ଯେଉଁମାନେ ନାଜୁଲ ଜମିରେ ରହୁଛନ୍ତି ସେମାନଙ୍କୁ ଫ୍ରିହୋଲ୍ଡ ଦିଆଯିବା ଉଚିତ।
ରାଜା ଭାୟା ମଧ୍ୟ ବିରୋଧ କରି କହିଥିଲେ, ଏହା କି ପ୍ରକାର ବିକାଶ ବୋଲି ଗୃହରେ ପଚାରିଥିଲେ। ଲକ୍ଷ ଲକ୍ଷ ଲୋକଙ୍କୁ ରାସ୍ତାରେ ଆଣିବାକୁ ଚେଷ୍ଟା କରାଯାଉଛି। ଯଦି ବ୍ରିଟିଶମାନେ ଫ୍ରିହୋଲ୍ଡ କରିପାରିବେ ତେବେ ଏହି ଜନ କଲ୍ୟାଣ ସରକାର କାହିଁକି କରିପାରିବେ ନାହିଁ? ସେ କହିଛନ୍ତି ଯେ ନାଜୁଲ ଜମିରେ ଆହ୍ଲାବାଦ ହାଇକୋର୍ଟ ମଧ୍ୟ ନିର୍ମାଣ କରାଯାଇଛି। ଆପଣ ଏହା ମଧ୍ୟ ଖାଲି କରିବେ କି? ଏହି ବିଲ ଚୟନ କମିଟି ନିକଟକୁ ପଠାଯିବା ଉଚିତ୍। ଏହି ବ୍ୟବସ୍ଥା ବିଶୃଙ୍ଖଳା ସୃଷ୍ଟି କରିବ।