ମସ୍କୋ,୫ା୧୧: ବିମାନଯାତ୍ରା ସମୟରେ ଅନେକ ଅଜବ କଥା ସବୁ ଦେଖିଥିବେ ବା ଶୁଣିଥିବେ। ମାତ୍ର ଆଜି ଏମିିତି ଏକ ଘଟଣା ଜଣାଇବୁ ଯାହା ଶୁଣିଲେ ଆଶ୍ଚର୍ଯ୍ୟ ହେବେ। ଜଣେ ବିମାନଯାତ୍ରୀ ଉଲଗ୍ନ ହୋଇ ଯାତ୍ରା କରିଥିଲେ।
ଏହି ଘଟଣା ମସ୍କୋରେ ଦେଖିବାକୁ ମିଳିଛି। ରୁଷିଆର ଡୋମୋଡେଡୋବୋ ବିମାନ ବନ୍ଦରରୁ ଏକ ଯାତ୍ରୀବାହୀ ବିମାନ ଉଡ଼ାଣ କରିଥିଲା। ଏହି ବିମାନରେ ଜଣେ ୩୮ ବର୍ଷୀୟ ଯୁବକ ଯାତ୍ରା କରିଥଲେ। ତାହା ପୁଣି ବିନା ପୋଷାକରେ। ପୋଲିସ ଏହି ଯୁବକଙ୍କୁ ଗିରଫ କରିଛି। ଯୁବକ ଜଣକ ପୋଲିସକୁ କହିଛନ୍ତି, ଅଶ୍ଳୀଳତା ଯୋଗୁ ସେ ଉଲଗ୍ନ ହୋଇନାହାନ୍ତି। ତାଙ୍କ କହିବା କଥା, ବିମାନଯାତ୍ରା କରିବା ସମୟରେ ତାଙ୍କୁ ପୋଷାକ ପିନ୍ଧିବାକୁ ଭଲ ଲାଗେ ନାହିଁ। ସେ ନିଜକୁ ଅସହଜ ମନେ କରନ୍ତି। ତେଣୁ ସେ ପୋଷାକ ପିନ୍ଧି ନ ଥିଲେ। ଏହି ପୂରା ଘଟଣା ଜାଣିବା ପରେ ଯୁବକ ଜଣଙ୍କୁ ଏୟାରଲାଇନର ମେଡିକାଲ ରୁମ୍ ସୁବିଧା ଦିଆଯାଇଛି। ସେ ଅରାମରେ ଯାତ୍ରା କରିପାରିବେ। ଏହି ଯୁବକଙ୍କ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି।