ବାରିପଦା ଅଫିସ,୨୪।୮- ରାଜ୍ୟର ସର୍ବପୁରାତନ ସହର ଭାବେ ବିବେଚିତ ବାରିପଦା ସହରରେ ଏବେ ଟ୍ରାଫିକ ବ୍ୟବସ୍ଥା ବିପର୍ଯ୍ୟସ୍ତ ହୋଇପଡିଛିି। ଏଥିରେ ସୁଧାର ଆଣିବା ପାଇଁ ଜିଲା ପ୍ରଶାସନ ନା ପୋଲିସ ପ୍ରଶାସନ କେହିବି ଉଦ୍ୟମ କରୁ ନାହାନ୍ତି। ଏହାର ସମାଧାନ ପାଇଁ ପଦକ୍ଷେପ ନେବାକୁ କିଛି ଯୁବ ସାମାଜିକ କର୍ମୀ ଦାବି କରିଛନ୍ତି। ଯୁବ ସାମାଜିକ କର୍ମୀ ବିପ୍ଳବ କୁମାର ଦାଶ ଓ ଉତ୍ତମ କୁମାର ଦାଶଙ୍କ ନେତୃତ୍ୱରେ ଏକ ପ୍ରତିନିଧି ଦଳ ଜିଲାପାଳ ବିନିତ ଭରଦ୍ୱାଜଙ୍କୁ ସାକ୍ଷାତ କରି ଟ୍ରାଫିକ ବ୍ୟବସ୍ଥା ବିପର୍ଯ୍ୟସ୍ତ ସମ୍ପର୍କିତ ବିଭିନ୍ନ ଦାବି ଉପସ୍ଥାପନ କରିଛନ୍ତିି। ଦାବି ମୁତାବକ ଛଉ ପଡିଆ ସ୍ଥିତ ଅରବିନ୍ଦ ସ୍କୁଲ ନିକଟରେ ଏକ ଟ୍ରାଫିକ ପୋଷ୍ଟ ସ୍ଥାପନ, ପ୍ରାଣୀ ଚିକିତ୍ସାଳୟରୁ ଖିମଜୀ ରାସ୍ତାରେ ଥିବା ବେଆଇନ ପାକର୍ିଂକୁ ନିୟନ୍ତ୍ରିତ କରିବା, ସତ୍ୟସାୟୀ ଛକରୁ ଦାରୋଗାଡାହି ମଧ୍ୟରେ ଥିବା ବେଆଇନ ପାର୍କିଂ ଉଚ୍ଛେଦ, ଉଠାଦେକାନୀଙ୍କ ଥଇଥାନ କରିବା ଏବଂ ସହରରେ ଥିବା ବଡ ବଡ ଶପିଂମଲ୍ର ପାର୍କିଂ ବ୍ୟବସ୍ଥା ଯାଞ୍ଚ କରିବା ଦାବି କରିଥିଲେ। ସେହିପରି ଛଉ ପଡିଆରେ ଅସାମାଜିକ ଯୁବକମାନେ ଆଡ୍ଡା ଜମାଉଥିବାରୁ ଏ ଦିଗରେ ମଧ୍ୟ ଦୃଷ୍ଟି ଦେବାକୁ ସେମାନେ ଦାବି କରିଥିଲେ। ଏହି ପ୍ରତିନିଧି ଦଳରେ ନିକମ କୁମାର, ଶୈଳେଶ ଗିରି, ଦୀପକ ପାତ୍ର ପ୍ରମୁଖ ସାମିଲ ଥିଲେ।