ହାମିଲଟନ,୨୨।୩: ଚଳିତ ଆଇସିସି ମହିଳା ଦିନିକିଆ ବିଶ୍ୱକପ୍ରେ ମଙ୍ଗଳବାର ଖେଳାଯାଉଥିବା କର ବା ମର ମ୍ୟାଚ୍ରେ ବାଂଲାଦେଶ ଆଗରେ ୨୩୦ ରନ୍ର ଟାର୍ଗେଟ ଛିଡ଼ା କରିଛି ଟିମ୍ ଇଣ୍ଡିଆ। ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିବା ଭାରତୀୟ ଦଳକୁ ୭୪ ରନ୍ର ଜବରଦସ୍ତ ଆରମ୍ଭ ଦେଇଥିଲା ସ୍ମ୍ରିତି ମନ୍ଧାନା(୩୦) ଏବଂ ଶେଫାଳୀ ବର୍ମ(୪୨)ଙ୍କ ଓପନିଂ ଯୋଡ଼ି। କିନ୍ତୁ ଦଳ ମାତ୍ର ୫ ବଲରେ ୩ ଉଇକେଟ ହରାଇ ସଙ୍କଟରେ ପଡ଼ିଥିଲା। ମଧ୍ୟକ୍ରମରେ ୟଶତିକା ଭାଟିଆ (୫୦ ରନ୍, ୨ ଚୌକା) ଏବଂ ରିଚା ଘୋଷ (୨୬) ସ୍ଥିତି ସମ୍ଭାଳିଥିଲେ। ଶେଷ ଆଡ଼କୁ ପୂଜା ବସ୍ତ୍ରକାର (୨୭) ଏବଂ ସ୍ନେହ ରାଣା (୨୭)ଙ୍କ ଯୋଗୁ ଭାରତ ୫୦ ଓଭରରେ ୭ ଉଇକେଟ ହରାଇ ୨୨୯ ରନ୍ କରିବାକୁ ସକ୍ଷମ ହୋଇଛି। ଅନ୍ୟପକ୍ଷରେ ବାଂଲାଦେଶ ପାଇଁ ରିତୁ ମୋନି ୩ ଏବଂ ନାହିଦା ଆକତର ୨ ଉଇକେଟ ହାତେଇଥିଲେ।
