ପାଲଲହଡା, ୨୨।୫ (ଡି.ଏନ.ଏ.)- ଦେବଗଡ଼ ଡିଭିଜନର ମୋବାଇଲ ସ୍କ୍ବାଡ୍ ମଙ୍ଗଳବାର ପାଲଲହଡା ଥାନା ଈଶ୍ୱରନଗର ଗ୍ରାମର ରମାକାନ୍ତ ବିଶ୍ୱାଳଙ୍କ ଘରେ ଚଢ଼ାଉ କରି ବିପୁଳ ପରିମାଣର ଶାଳ ଏବଂ ଶାଗୁଆନ କାଠ ଜବତ କରିଛି।
ବନବିଭାଗ ସୂତ୍ରରୁ ପ୍ରକାଶ, ରମାକାନ୍ତଙ୍କ ଘରେ ବିପୁଳ ପରିମାଣର ଚୋରା କାଠ ଗଚ୍ଛିତ ଥିବା ଖବରପାଇ ଦେବଗଡ଼ ଡିଭିଜନର ମୋବାଇଲ ସ୍କ୍ବାଡ୍ ଏବଂ ପାଲଲହଡା ରେଞ୍ଜର ଏକ ଟିମ୍ ସକାଳ ୬ଟାରେ ଚଢ଼ାଉ କରିଥିଲେ। ମାତ୍ର ଚଢାଉ ଖବର ପାଇ ଅଭିଯୁକ୍ତ ସେଠାରୁ ଫେରାର ହୋଇଯାଇଥିବାବେଳେ ତାଙ୍କ ସ୍ତ୍ରୀ ବନବିଭାଗ ଅଧିକାରୀଙ୍କୁ ଘର ମଧ୍ୟକୁ ପ୍ରବେଶ କରିବା ପାଇଁ ଅନୁମତି ଦେଇ ନ ଥିଲେ। ପରେ ସ୍ଥାନୀୟ ମାଜିଷ୍ଟ୍ରେଟ ଅତିରିକ୍ତ ତହସିଲଦାର ସୁମନ ମିଞ୍ଜଙ୍କ ଉପସ୍ଥିତିରେ ଘର ମଧ୍ୟରୁ ୪୪ ଖଣ୍ଡ ଶାଳ ପଟ୍ଟା, ୩୦ ଖଣ୍ଡ ଶାଗୁଆନ ପଟ୍ଟା ଜବତ କରାଯାଇଥିଲା ବୋଲି ପାଲଲହଡା ରେଞ୍ଜର ସରୋଜ କୁମାର ବିଶ୍ୱାଳ ସୂଚନା ଦେଇଛନ୍ତି।