ମୁମ୍ବାଇ: ଟେଲିଭିଜନ ଦୁନିଆର ଜଣାଶୁଣା ନାଁ ଏକତା କପୁର। ଏବେ ସେ ସିଙ୍ଗଲ ମଦର। କିନ୍ତୁ କ’ଣ ପାଇଁ ସେ ସିଙ୍ଗଲ ମଦର ହୋଇଛନ୍ତି ନିକଟରେ ଏକ ସାକ୍ଷାତ୍କାରରେ ସେ ଏହା ଖୋଲାଖୋଲି କଥା ହୋଇଛନ୍ତି। ଏକତା କହିଛନ୍ତି ବିବାହ ପାଇଁ କିଛିବି କରିବାକୁ ସେ ପ୍ରସ୍ତୁତ ନ ଥିଲେ। ତେଣୁ ସେ ବିବାହ କରି ସଂସାର କରନ୍ତୁ ଏକଥା ତାଙ୍କ ପରିବାର ଲୋକେ ଭୁଲି ଯାଇଥିଲେ। ହେଲେ ତାଙ୍କ ମା’ ତାଙ୍କୁ କହିଥିଲେ ସରୋଗେସି ମାଧ୍ୟମରେ ସେ ମା’ ହୋଇପାରିବେ। ଏଥିପାଇଁ ସମୟ ଗଡି ଯାଉଥିବାରୁ ୩୬ ବର୍ଷ ବୟସରେ ସେ ତାଙ୍କ ଡିମ୍ବାଣୁ ସଂରକ୍ଷଣ କରିବା ଆରମ୍ଭ କରିଥିବା କୁହନ୍ତି। ଦିନେ ତାଙ୍କ ଭାଇ ତୁଷାର କପୁର ସିଙ୍ଗଲ ଫାଦର ହେବାକୁ ମନ ବଳାଇଥିବା କଥା ଶୁଣିବା ପରେ ଘର ଲୋକ ଖୁସି ହୋଇଥିଲେ। ତୁଷାର ବି ସିଙ୍ଗଲ ଫାଦର ହୋଇଯାଇଥିଲେ। ଆଉ ଏହାପରେ ଏକତା ବି ସରୋଗେସି ମାଧ୍ୟମରେ ୨୦୧୯ରେ ସିଙ୍ଗଲ ମଦର ହୋଇଗଲେ ବୋଲି କହିଛନ୍ତି। ତାଙ୍କ ପିତାଙ୍କ ନାଁ ଅନୁଯାୟୀ ଏକତା ପୁଅର ନା
ରବି ରଖିଛନ୍ତି। ଏମିତିକି ଜ୍ୟୋତିଷଙ୍କ ପରାମର୍ଶ ଅନୁଯାୟୀ କୁଆଡେ ସେ ପୁଅର ନାଁ ରବି ରଖିଛନ୍ତି ବୋଲି କୁହନ୍ତି। କିଛିଦନ ହେବ ସେ ପୁଅକୁ ସୋସିଆଲ ମିଡିଆଠାରୁ ଦୂରେଇ ରଖୁଥିବା ବେଳେ ଏବେ କିନ୍ତୁ ପୁଅ ସହ ତାଙ୍କର କିଛି ଫଟୋ ଓ ଭିଡିଓ ବେଳେବେଳେ ସୋସିଆଲ ମିଡିଆରେ ଦେଖିବାକୁ ମିଳୁଛି।
