ମୁମ୍ବାଇ: ବଲିଉଡ୍ ଅଭିନେତା ଫରହାନ୍ ଅଖତର ଏବେ ତାଙ୍କ ଦ୍ୱିତୀୟ ବିବାହକୁ ନେଇ ଆସିଛନ୍ତି ଚର୍ଚ୍ଚାକୁ । ଯେବେଠାରୁ ସେ ତାଙ୍କ ପ୍ରଥମ ପତ୍ନୀଙ୍କଠାରୁ ଅଲଗା ହେଲେଣି ସେବେଠାରୁ ସେ ଗର୍ଲଫ୍ରେଣ୍ଡ ଶିବାନୀ ଦାଣ୍ଡେକରଙ୍କ ସହ ରିଲେସନଶିପରେ ରହିଛନ୍ତି । ଏହା ଅବଶ୍ୟ କାହାକୁ ଅଛପା ନାହିଁ । ନିକଟରେ ଶିବାନୀ ତାଙ୍କ ବିବାହକୁ ନେଇ ଅନେକ କଥା ଖୋଲା ଖୋଲି କଥା ହୋଇଛନ୍ତି । ଏକ ଏଣ୍ଟରଟେନମେଣ୍ଟ ୱେବ ପୋର୍ଟାଲ ସହ କଥା ହେବା ବେଳେ ଶିବାନୀ କହିଛନ୍ତି, ଫରହାନଙ୍କ ସହ ମୋର ରିଲେସନଶିପ କଥା ସମସ୍ତଙ୍କୁ ଜଣା । ଅବଶ୍ୟ କରୋନା ଲକ୍ଡାଉନ ସମୟରେ ଆମେ ପରସ୍ପରକୁ ଅତି ନିକଟରୁ ଜାଣିବାର ସୁଯୋଗ ପାଇଲୁ । ଆଉ ଏବେ ପ୍ରଶ୍ନ ଆସୁଛି ଆମେ କେବେ ବିବାହ କରିବୁ । ଏକଥା ମୁଁ ତ ଏପର୍ଯ୍ୟନ୍ତ ଚିନ୍ତା କରିନାହିଁ । ସେ ସମୟ ଆସିଲେ ମୁଁ ନିଜେ ଜଣାଇବି ବୋଲି କହିଛନ୍ତି ଶିବାନୀ । ଲକଡାଉନରେ ସେ ଫରହାନଙ୍କ ସହ ଅଧିକ ସମୟ କଟାଇବା, ଏକାଠି ୱାର୍କ ଆଉଟ କରିବା, ଏକାଠି ଖାଇବା ଭଳି ମୁହୂର୍ତ୍ତକୁ ଏନଜୟ କରିଛୁ ବୋଲି ଶିବାନୀ କହିଛନ୍ତି । ଫରହାନ ଓ ଶିବାନୀ ୩ ବର୍ଷ ହେବ ରିଲେସନଶିପରେ ରହିଛନ୍ତି । ଫରହାନ ପ୍ରଥମେ ଅଧୁନା ଭାବାନୀଙ୍କୁ ବିବାହ କରିଥିବା ବେଳେ ୧୭ ବର୍ଷ ପରେ ଉଭୟ ଅଲଗା ହୋଇ ଯାଇଥିଲେ । ଏବେ ଫରହାନ ଶିବାନୀଙ୍କ ସହ ରିଲେସନଶିପରେ ଥିବା ବେଳେ ଅଧୁନା ନିକୋଲାସ ମମୋରିଆଙ୍କ ସହ ରିଲେସନଶିପରେ ଅଛନ୍ତି ।
