କରାଚୀ, ୨ା୮ (ପି.ଟି.)-ପାକିସ୍ତାନ ପେସ୍ ବୋଲର ହସନ ଅଲିଙ୍କ ଜଣେ ଭାରତୀୟଙ୍କୁ ବିବାହ ନେଇ ଯେଉଁ କଳ୍ପନା ଜଳ୍ପନା ପ୍ରକାଶ ପାଇଥିଲା, ତାହାର ଅବସାନ ଘଟିଛି। ଅଗଷ୍ଟ ୨୦ରେ ଦୁବାଇରେ ଶାମିଆ ଆର୍ଜୁଙ୍କ ସହିତ ତାଙ୍କର ବିବାହ ସମ୍ପନ୍ନ ହେବ ବୋଲି ହସନ ଶୁକ୍ରବାର ଘୋଷଣା କରିଛନ୍ତି। ଦୁବାଇରେ ଅବସ୍ଥାନ କରୁଥିବା ଶାମିଆ ଏମିରେଟ୍ସ ଏୟାରଲାଇନ୍ସରେ ଜଣେ ଇଂଜିନିୟର ଭାବେ କାର୍ଯ୍ୟରତ। ତାଙ୍କ ପରିବାରବର୍ଗ କିନ୍ତୁ ଦିଲ୍ଲୀ ସ୍ଥାୟୀ ଭାବେ ବସବାସ କରୁଛନ୍ତି। ହସନ ତାଙ୍କ ନିଜ ସହର ଗୁଜରାନଓ୍ବାଲାଠାରେ ଏକ ଖବରଦାତା ସମ୍ମିଳନୀରେ ତାଙ୍କ ବିବାହ ତାରିଖ ସ୍ପଷ୍ଟ କରିଥିଲେ। ବିବାହ ଉତ୍ସବ ବଡ଼ ଆକାରରେ ନ କରିବା ଲାଗି ଉଭୟ ପରିବାର ସ୍ଥଇର କରିଛନ୍ତି। ବିବାହ ପରେ ଶାମିଆ ଗୁଜରାନଓ୍ବାଲାରେ ବାସ କରିବେ। ସୂଚନାଯୋଗ୍ୟ, ଶାମିଆ ମାନବ ରଚନା ୟୁନିଭର୍ସିଟିରୁ ଏରୋନଟିକ୍ସରେ ଡିଗ୍ରୀ ହାସଲ କରିଛନ୍ତି। ସେ ଆହୁରି ମଧ୍ୟ ଇଂଲଣ୍ଡରେ ପାଠ ପଢିଛନ୍ତି। ହସନ କହିଛନ୍ତି ବିହାଦ ଦିନ ସେ କଳା ଓ ଲାଲ୍ ରଙ୍ଗର ଶେରଓ୍ବାନୀ ପରିଧାନ କରିବେ। ଶାମିଆ ଇଣ୍ଡିଆନ ଷ୍ଟାଇଲ୍ ପୋଷାକ ପରିଧାନ କରିବେ। ହସନ କହିଛନ୍ତି, ବର୍ଷକ ପୂର୍ବେ ଦୁବାଇଠାରେ ଶାମିଆଙ୍କ ସହିତ ତାଙ୍କର ପ୍ରଥମ ଭେଟ ହୋଇଥିଲା। ଉଭୟଙ୍କ ମଧ୍ୟରେ କ୍ରମେ ବନ୍ଧୁତା ବୃଦ୍ଧି ପାଇଥିଲା। ଶେଷରେ ଆମେ ବିବାହ କରିବାକୁ ଯାଉଛୁ। ଭାରତୀୟ କନ୍ୟାକୁ ବିବାହ କରିବାରେ ଜାହିର ଆବାସ, ମୋହସିନ ଖାଁ ଓ ଶୋଏବ ମଲିକଙ୍କ ପରେ ହସନ ହେଉଛନ୍ତି ଚତୁର୍ଥ ପାକିସ୍ତାନୀ କ୍ରିକେଟର। ମଲିକ ୨୦୧୦ରେ ଭାରତୀୟ ଟେନିସ ଷ୍ଟାର ସାନିଆ ମିର୍ଜାଙ୍କୁ ବିବାହ କରିଥିଲେ। ଉଭୟଙ୍କର ଏକ ପୁତ୍ର ସନ୍ତାନ ରହିଛି। ଭାରତୀୟ ମହିଳାଙ୍କୁ ବିବାହ କରିବାରେ ଜାହିର ଆବାସ ହେଉଛନ୍ତି ପାକିସ୍ତାନୀ