ମୁମ୍ବାଇ: କୁଇନ୍ ଅଫ୍ ଟଲିଉଡ୍ ଆସିନ୍ ଏବେ ଫିଲ୍ମଠାରୁ ନିଜକୁ ଦୂରେଇ ନେଇଛନ୍ତି। କାରଣଟା ନିଜର ବ୍ୟକ୍ତିଗତ ଜୀବନ। ୨୦୧୬ରେ ସେ ବ୍ୟବସାୟୀ ରାହୁଲ ଶର୍ମାଙ୍କୁ ବିବାହ କରିଥିଲେ। ଏବେ ତାଙ୍କର ଗୋଟିଏ ସନ୍ତାନ ରହିଛି। ହେଲେ ଏବେ ପରିବାରକୁ ସମସ୍ତ ସମୟ ଦେବାକୁ ଚାହୁଁଥିବାରୁ ସିନେମା ଜଗତକୁ ଫେରିବାକୁ ଚାହୁଁନାହାନ୍ତି ସେ।
ଏକଦା ଦକ୍ଷିଣ ଭାରତୀୟ ସିନେମା ଜଗତରେ ହିଟ୍ ନାୟିକା ଥିଲେ ଆସିନ। ସେ ମାଲାୟାଲାମ, ତାମିଲ, ତେଲୁଗୁ, ହିନ୍ଦି, ଇଂରାଜୀ, ସଂସ୍କୃତ ଏବଂ ଇଟାଲିୟନ ଭାଷା କହିବା ଏବଂ ଲେଖିବାରେ ପାରଙ୍ଗମ। ଏଣୁ ସେ ଅଭିନୟ କରୁଥିବା ଅନ୍ୟ ଫିଲ୍ମରେ ସେ ନିଜେ ଡବିଂ କରିଥାନ୍ତି।
୨୦୦୧ରେ ମାଲାୟାଲାମ ଫିଲ୍ମ ଜରିଆରେ ଅଭିନୟ ଆରମ୍ଭ କରିଥିଲେ ଆସିନ। ହେଲେ ୨୦୦୩ରେ ତେଲୁଗୁରେ ନିର୍ମିତ ଏକ କମର୍ସିଆଲ ଚଳଚ୍ଚିତ୍ର ତାଙ୍କୁ ସଫଳତା ଆଣି ଦେଇଥିଲା। ପରେ ଆସିନ ୨୦୦୮ରେ ବଲିଉଡ୍ରେ ନିଜର ଡେବ୍ୟୁ କରିଥିଲେ। ସେ ବି ମିଷ୍ଟର ପର୍ଫେକ୍ଟନିଷ୍ଟ ଆମିର ଖାନ୍ଙ୍କ ଚଳଚ୍ଚିତ୍ର ‘ଗଜନୀ’ରେ। ଏଥିରେ ତାଙ୍କୁ ଶ୍ରେଷ୍ଠ ନବାଗତା ପୁରସ୍କାର ମିଳିଥିଲା। ଫିଲ୍ମର ସଫଳତା ପରେ ସେ ‘ରେଡି’, ‘ହାଉସଫୁଲ ୩’, ଖିଲାଡି ନଂ ୭୮୬, ବୋଲ ବଚ୍ଚନ ଏବଂ ଅଲ୍ ଇଜ୍ ଓ୍ବେଲ୍ ଆଦି ଚଳଚ୍ଚିତ୍ରରେ କାମ କରିଥିଲେ।
