ନୂଆଦିଲ୍ଲୀ, ୧୯।୧୨- ଇମ୍ରାନ ହାସିମଙ୍କ ଫିଲ୍ମ ‘ମର୍ଡର ୨’ ଯୋଗୁ ବଲିଉଡ୍ରେ ପରିଚୟ ପାଇଥିବା ଓଡ଼ିଆ ଆକ୍ଟ୍ରେସ ସୁଲଗ୍ନା ପାଣିଗ୍ରାହି ବିବାହ ବନ୍ଧନରେ ବାନ୍ଧି ହୋଇଛନ୍ତି। ଚଳିତ ମାସ ୯ ତାରିଖରେ କମେଡିଆନ ବିଶ୍ୱ କଲ୍ୟାଣ ରଥଙ୍କୁ ବିବାହ କରିଛନ୍ତି ସୁଲଗ୍ନା । ଏ ନେଇ ଶନିବାର ଇନ୍ଷ୍ଟାଗ୍ରାମରେ ଫଟୋ ଶେୟାର କରି ସୂଚନା ଦେଇଛନ୍ତି।
ଓଡ଼ିଆ ଅଭିନେତ୍ରୀ ସୁଲଗ୍ନା ବଲିଉଡ୍ ପୂର୍ବରୁ ବହୁ ହିନ୍ଦୀ ସିରିଏଲରେ କାମ କରିଥିଲେ। ‘ଅମ୍ବର ଧାରା’ ସିରିଏଲ ଜରିଆରେ ଛୋଟ ସ୍କ୍ରିନରେ ଡେବ୍ୟୁ କରିବା ପରେ ନଜର ଆସିଥିଲେ ଦୋ ସହେଲିୟାଁ ଓ ବିଦାଇରେ ସିରିଏଲରେ। ୨୦୧୧ର ହିଟ୍ ଫିଲ୍ମ ମର୍ଡର ୨ରେ ତାଙ୍କୁ କଲେଜ ଛାତ୍ରୀ ଭୂମିକାରେ ଦେଖିବାକୁ ମିଳିଥିଲା, ଯିଏକି ନିଜ ଆର୍ଥିକ ସମସ୍ୟାର ସମାଧାନ ପାଇଁ ପାର୍ଟ ଟାଇମ୍ ବେଶ୍ୟାବୃତ୍ତି ଆପଣେଇଥିଲା। ଏହି ଫିଲ୍ମରେ ଇମ୍ରାନ ହାସିମଙ୍କ ବ୍ୟତୀତ ଜ୍ୟାକଲିନ ଫର୍ନାଣ୍ଡିଜ ମୁଖ୍ୟଭୂମିକାରେ ଥିଲେ। ମର୍ଡର ୨ ବ୍ୟତୀତ ଇସ୍କ ଓ୍ବାଲା ଲଭ୍, ଗୁରୁ ଦକ୍ଷିଣା ଓ ରେଡ୍ ଭଳି ଫିଲ୍ମରେ ଅଭିନୟ କରିଥିଲେ ସୁଲଗ୍ନା।