ବିବାହ ବା ଅନ୍ୟ କୌଣସି ଭୋଜିରେ ଖାଇବାକୁ ଥିଲେ ଅନେକ ଲୋକ ଆଗ୍ରହ ସହକାରେ ଅଧିକ ଖାଇବା ଦେଖାଯାଇଥାଏ। ହେଲେ ଏହା ଆଦୌ ଠିକ୍ ନୁହେଁ। କାରଣ ଏହା ଶରୀର ଉପରେ କୁପ୍ରଭାବ ପକାଇଥାଏ।
-ଭୋଜିରେ ଖାଇବା ପୂର୍ବରୁ ପେଟ ଖାଲି ରଖିବା ଠିକ୍ ନୁହେଁ। କାରଣ ଖାଲି ପେଟରେ ବହୁତ ତେଲ ମସଲା ଯୁକ୍ତ ଖାଦ୍ୟ ଖାଇଲେ ଏହା ଶରୀରରେ କୁପ୍ରଭାବ ପକାଇଥାଏ। ହଜମ କରିବାରେ ଅସୁବିଧା ହେବା ସହ ଗ୍ୟାସ ବା ଏସିଡିଟି ଭଳି ସମସ୍ୟା ସୃଷ୍ଟି କରିଥାଏ।
-ଭୋଜିରେ କେବେବି ଅଧିକ ପରିମାଣରେ ଧୂମ୍ରପାନ କରନ୍ତୁ ନାହିଁ କି ମାଦକ ଦ୍ରବ୍ୟ ଗ୍ରହଣ କରନ୍ତୁ ନାହିଁ। ବିଶେଷ କରି ମଦ୍ୟପାନ କରିବା ଆଦୌ ଉଚିତ୍ ନୁହେଁ। କାରଣ ଏଥିରେ ପ୍ରଚୁର ପରିମାଣରେ କ୍ୟାଲୋରୀ ଥିବାରୁ ଏହା ଶରୀରକୁ ଅସୁସ୍ଥ କରି ଦେଇଥାଏ।
-ବିବାହ ଭୋଜିରେ ତେଲ ଛଣା ଖାଦ୍ୟକୁ ଯେତେ ସମ୍ଭବ ଆଡେଇ ଯିବା ଭଲ। କାରଣ ଏହା ଖାଇବା ଦ୍ୱାରା ଶରୀରରେ ବିଭିନ୍ନ ପ୍ରକାରର ସମସ୍ୟା ଦେଖାଦେଇଥାଏ।
-ଭୋଜିରେ ହାଲ୍କା ଖାଦ୍ୟ ଗ୍ରହଣ କରିବା ଭଲ। ଏହା ଶରୀରକୁ ସୁସ୍ଥ ରଖିଥାଏ। ରାତିରେ ଭୋଜିରେ ଯୋଗ ଦେବାକୁ ହେଲେ ସକାଳର ଜଳଖିଆ ସହ ମଧ୍ୟାହ୍ନ ଭୋଜନ ଠିକ୍ ଭାବେ କରିବା ଭଲ। କାରଣ ପେଟ ବେଶୀ ସମୟ ଖାଲି ରଖି ଏକାଥରେ ରାତିରେ ଖାଇଲେ ଏହା ଶରୀରକୁ ରୋଗାକ୍ରାନ୍ତ କରିଦେଇଥାଏ।