କଟକ,୨୧।୭: ଭାରତର ବିବେକ କୋହଲି ରାଜ୍ୟଗୋଷ୍ଠୀ ଟେବୁଲ ଟେନିସ୍ ଫେଡେରେଶନ (ସିଟିଟିଏଫ୍) ଅଧ୍ୟକ୍ଷ ନିର୍ବାଚିତ ହୋଇଛନ୍ତି। ସେହିପରି ଏମ୍.ପି. ସିଂ ସିଟିଟିଏଫ୍ର ସାଧାରଣ ସମ୍ପାଦକ ଭାବେ ନିର୍ବାଚିତ ହୋଇଛନ୍ତି। କଟକରେ ରାଜ୍ୟଗୋଷ୍ଠୀ ଚାମ୍ପିୟନଶିପ୍ ଚାଲୁରହିଥିବା ବେଳେ ଭୁବେନେଶ୍ୱରରେ ଶନିବାର ଫେଡେରେଶନର ନିର୍ବାଚନ ଅନୁଷ୍ଠିତ ହୋଇଥିଲା। ନିର୍ବାଚନରେ କୋହଲି ବହୁ ବ୍ୟବଧାନରେ ଇଂଲଣ୍ଡର ଆଲାନ ରାନସମଙ୍କୁ ପରାସ୍ତ କରିଥିଲେ। କୋହଲି ୨୨ଖଣ୍ଡ ଭୋଟ ପାଇଥିବା ବେଳେ ଆଲାନ ୬ଟି ଭୋଟ ପାଇଥିଲେ। ତେବେ ଟେବୁଲ ଟେନିସ ଫେଡେରେଶନ ଅଫ ଇଣ୍ଡିଆ (ଟିଟିଏଫ୍ଆଇ) ସାଧାରଣ ସମ୍ପାଦକ ଭାବେ କାର୍ଯ୍ୟରତ ଥିବା ଏମ୍.ପି. ସିଂ ସର୍ବସମ୍ମତି କ୍ରମେ ଫେଡେରେଶନର ସାଧାରଣ ସମ୍ପାଦକ ଭାବେ ନିର୍ବାଚିତ ହୋଇଥିଲେ। ପୂର୍ବରୁ ଦୁଷ୍ମନ୍ତ ଚୌତାଲା ଟିଟିଏଫ୍ଆଇ ମୁଖ୍ୟ ଭାବେ କାର୍ଯ୍ୟ କରୁଛନ୍ତି। ପ୍ରଥମଥର ପାଇଁ ସିଟିଟିଏଫ୍ର ସବୁ ୩ଟି ଯାକ ଗୁରୁତ୍ୱପୂର୍ଣ୍ଣ ପଦରେ ଭାରତୀୟମାନେ ଦାୟିତ୍ୱରେ ରହିଛନ୍ତି।